തിരുവനന്തപുരത്ത് ബി.ജെ.പി സമരപ്പന്തലിന് സമീപം അയ്യപ്പഭക്തന്റെ ആത്മഹത്യാശ്രമം
December 13, 2018തലസ്ഥാനത്ത് സെക്രട്ടേറിയേറ്റിന് സമീപത്തെ ബി.ജെ.പി സമരപ്പന്തലിന് മുന്നില് അയ്യപ്പഭക്തന് ആത്മഹത്യയ്ക്ക് ശ്രമിച്ചു. ഇന്ന് പുലര്ച്ചെ രണ്ട് മണിയോടെയാണ് ശരീരത്ത് പെട്രോളൊഴിച്ച് മധ്യവയസ്കന് ആത്മഹത്യയ്ക്ക് ശ്രമിച്ചത്. തിരുവനന്തപുരം മുട്ടട സ്വദേശി വേണുഗോപാലന് നായരാണ് ആത്മഹത്യക്ക് ശ്രമിച്ചത്. സമരപ്പന്തലിന് എതിര്വശത്ത് നിന്നും ശരീരത്ത് പെട്രോളൊഴിച്ച് തീ കത്തിച്ചശേഷം സമര പന്തലിലേക്ക് ഓടിക്കയറുകയായിരുന്നു ഇയാളെന്ന് ദൃക്സാക്ഷികള് പറഞ്ഞു. പൊലീസും സമരപന്തലിലുണ്ടായിരുന്ന ബിജെപി പ്രവര്ത്തകരും ചേര്ന്നാണ് തീയണച്ചത്. ഗുരുതരമായി പൊള്ളലേറ്റ വേണുഗോപാലന് നായരെ മെഡിക്കല് കോളേജ് ആശുപത്രിയില് പ്രവേശിപ്പിച്ചു.ശരീരത്തില് എഴുപത് ശതമാനത്തോളം പൊള്ളലേറ്റതായി ഡോക്ടര്മാര് അറിയിച്ചു