തന്റെ രക്തം സ്വീകരിച്ച ഗര്ഭിണിയായ യുവതിക്ക് എച്ച്ഐവി ബാധിച്ചതിനെ തുടര്ന്ന് പത്തൊന്പതുകാരന് ജീവനൊടുക്കി
December 31, 2018ചെന്നൈ: തന്റെ രക്തം സ്വീകരിച്ച ഗര്ഭിണിയായ യുവതിക്ക് എച്ച്ഐവി ബാധിച്ചതിനെ തുടര്ന്ന് പത്തൊന്പതുകാരന് ജീവനൊടുക്കി. രാമനാഥപുരം സ്വദേശിയായ യുവാവാണ് ജീവനൊടുക്കിയത്. ഇയാള് വീട്ടില് സൂക്ഷിച്ചിരുന്ന എലിവിഷം കഴിച്ചാണ് ജീവനൊടുക്കാന് ശ്രമിച്ചത്. ഉടന് തന്നെ വീട്ടുകാര് മധുരൈ രാജാജി സര്ക്കാര് മെഡിക്കല് കോളജില് എത്തിച്ചെങ്കിലും ചികിത്സയിലിരിക്കെ മരിച്ചു. യുവതിക്ക് നവംബറില് രക്തം നല്കുമ്ബോള് എച്ച്ഐവി ബാധിതനാണെന്ന് ഇയാള് തിരിച്ചറിഞ്ഞിരുന്നില്ല. യുവതിയെ പ്രത്യേക ചികിത്സയ്ക്കായി മധുരയിലെ ആശുപത്രിയിലേക്ക് മാറ്റിയിരിക്കുകയാണ്. സംഭവത്തില് തമിഴ്നാട് സര്ക്കാര് അന്വേഷണം പ്രഖ്യാപിച്ചു. കൗണ്സിലര്മാരെയും ലാബ് ടെക്നീഷ്യന്മാരെയും സസ്പെന്ഡ് ചെയ്തു.