പുല്വാമ ആക്രമണം: വീരമൃത്യു വരിച്ച വസന്തകുമാറിന്റെ കുടുംബത്തിന് 25 ലക്ഷം രൂപ ധനസഹായം
February 19, 2019പുല്വാമയിലെ ചാവേറാക്രമണത്തില് വീരമൃത്യു വരിച്ച സിആര്പിഎഫ് ജവാന് വിവി വസന്തകുമാറിന്റെ കുടുംബത്തിന് സംസ്ഥാന സര്ക്കാര് 25 ലക്ഷം രൂപ ധനസഹായം പ്രഖ്യാപിച്ചു. വസന്തകുമാറിന്റെ അമ്മയ്ക്ക് 10 ലക്ഷം രൂപയും ഭാര്യയ്ക്ക് 15 ലക്ഷം രൂപയും നല്കാന് മന്ത്രിസഭായോഗം തീരുമാനിച്ചു. ഇതിന് പുറമെ കുടുംബത്തിന് വീടു നിര്മ്മിച്ച് നല്കാനും കുട്ടികളുടെ വിദ്യാഭ്യാസ ചുമതല ഏറ്റെടുക്കാനും യോഗത്തില് തീരുമാനമായി.