ഡല്‍ഹി ഡൈനാമോസ്-ജംഷഡ്പുര്‍ മത്സരം സമനിലയില്‍
November 5, 2018ന്യൂഡല്‍ഹി: ഐഎസ്‌എല്‍ ഫുട്ബോളില്‍ ഡല്‍ഹി ഡൈനാമോസ്-ജംഷഡ്പുര്‍ മത്സരം 2-2 സമനിലയില്‍ കലാശിച്ചു. ലാലിയന്‍സുല ചംഗാതെ, അഡ്രിയ കര്‍മോണ എന്നിവര്‍ ഡല്‍ഹിക്കായി ഗോള്‍ നേടിയപ്പോള്‍ സെര്‍ജിയോ സിഡോന്‍ച, ടിരി എന്നിവര്‍ ജംഷഡ്പുരിന്‍റെ ഗോള്‍ നേടി.
ആദ്യപകുതിയില്‍ സിഡോന്‍ച നേടിയ ഗോളില്‍ ജംഷഡ്പുര്‍ മുന്നിലെത്തിയതായിരുന്നു. എന്നാല്‍ രണ്ടാം പകുതിയിലെ 55 മത്തെ മിനിറ്റിലും 58 മത്തെ മിനിറ്റിലും ഡല്‍ഹി തിരിച്ചടിച്ച്‌ മുന്നിലെത്തി. കളിയുടെ 72 മത്തെ മിനിറ്റില്‍ ടിരിയിലൂടെ ജംഷഡ്പുര്‍ സമനിലപിടിച്ചെടുത്തു. ഇതോടെ ഏഴ് മത്സരങ്ങളില്‍നിന്ന് 11 പോയിന്‍റുമായി ജംഷഡ്പുര്‍ ലീഗില്‍ ഒന്നാം സ്ഥാനത്തെത്തി.
