രാജ്യാന്തര ചലച്ചിത്ര മേളയുടെ കാര്യം മുഖ്യമന്ത്രി തിരിച്ചെത്തിയിട്ട് തീരുമാനിക്കും: എകെ ബാലന്‍

September 22, 2018 0 By Editor

തിരുവനന്തപുരം: ഈ വര്‍ഷം നടത്തുന്ന രാജ്യാന്തര ചലച്ചിത്ര മേളയുടെ കാര്യം മുഖ്യമന്ത്രി അമേരിക്കയില്‍ നിന്നും തിരിച്ചെത്തിയ ശേഷം തീരുമാനിക്കുമെന്ന് സാംസ്‌കാരിക വകുപ്പ് മന്ത്രി എ.കെ.ബാലന്‍. ആര്‍ഭാടം കുറച്ച് ചെലവ് ചുരുക്കി മേള നടത്തുന്നതിന്റെ മാര്‍ഗരേഖ ചലച്ചിത്ര അക്കാദമി മുഖ്യമന്ത്രിയുടെ ഓഫീസിന് കൈമാറിയിട്ടുണ്ടെന്നും മന്ത്രി വ്യക്തമാക്കി.

പ്രളയ ദുരിതാശ്വാസ പ്രവര്‍ത്തനങ്ങള്‍ നടക്കുന്നതിനാല്‍ ഈ വര്‍ഷം ചലച്ചിത്ര മേള ഒഴിവാക്കാന്‍ മുഖ്യമന്ത്രി നേരത്തെ തീരുമാനമെടുത്തിരുന്നു. എന്നാല്‍ ചലച്ചിത്ര മേള ചെലവ് ചുരുക്കിയെങ്കിലും നടത്തണമെന്ന് ആവശ്യമുയര്‍ന്നതോടെയാണ് തീരുമാനം പുനപരിശോധിക്കാന്‍ സര്‍ക്കാര്‍ തീരുമാനിച്ചത്.