തിരുവല്ല നഗരസഭാ ചെയര്‍മാന്‍ കെവി വര്‍ഗീസ് രാജിവച്ചു
August 13, 2018തിരുവല്ല: അവിശ്വാസപ്രമേയം ചര്‍ച്ചക്കെടുക്കുംമുന്നേ തിരുവല്ല നഗരസഭാ ചെയര്‍മാന്‍ കെ വി വര്‍ഗീസ് രാജിവച്ചു. തിങ്കളാഴ്ച രാവിലെ 10ന് രാജി കത്ത് സെക്രട്ടറിക്ക് കൈമാറി. യു ഡി എഫ് കൊണ്ടുവന്ന അവിശ്വാസ പ്രമേയം 11 മണിക്ക് ചര്‍ച്ച ചെയ്യാനിരിക്കെ ഒരു മണിക്കൂര്‍ മുന്‍പ് രാജിവെക്കുകയായിരുന്നു.
കോണ്‍ഗ്രസ് പ്രതിനിധിയായാണ് വര്‍ഗീസ് കൗണ്‍സിലറാകുന്നത്. ഡഉഎ പിന്തുണയോടെ ചെയര്‍മാനായി. ഒന്നര വര്‍ഷം പിന്നിട്ടപ്പോള്‍ രാജി വെക്കണമെന്ന കോണ്‍ഗ്രസിന്റയും യു ഡി എഫ് ന്റെയും നിര്‍ദേശം വര്‍ഗീസ് തള്ളി കളഞ്ഞിരുന്നു. ഇതേ തുടര്‍ന്ന് വര്‍ഗീസിനെതിരെ യുഡിഎഫ് തന്നെ അവിശ്വാസം കൊണ്ടുവന്നിരുന്നു. എന്നാല്‍ വര്‍ഗീസ് അവിശ്വാസത്തിന് അനുകൂലമായി വോട്ട് ചെയ്തിട്ടും അവിശ്വാസം പരാജയപ്പെടുകയായിരുന്നു. പാര്‍ട്ടി തീരുമാനം ലംഘിച്ചതിന് വര്‍ഗീസിനെ പാര്‍ട്ടിയില്‍ നിന്നും പുറത്താക്കിയിരുന്നു. അന്ന് വര്‍ഗീസിനൊപ്പം നിന്നിരുന്ന 2 കൗണ്‍ സിലര്‍മാര്‍ക്കെതിരെ കൂറുമാറ്റ നിയമം അനുസരിച്ച് യു ഡി എഫ് കേസ് ഫയല്‍ ചെയ്തിരുന്നു.
ഈ കേസ് പിന്‍വലിക്കാമെന്ന വാഗ്ദാനം നല്‍കി പുതിയ അവിശ്വാസ നോട്ടീസില്‍ ഒപ്പിട്ടുവിച്ചിരുന്നു.ഇതേ തുടര്‍ന്ന് അവിശ്വാസം പാസാകുമെന്ന് ഉറപ്പായ സാഹചര്യത്തിലാണ് വര്‍ഗീസ് ചെയര്‍മാന്‍ പദവി ഒഴിയുന്നത്.
