കേരള ബാങ്കിന് റിസര്‍വ് ബാങ്കിന്‍റെ അനുമതിയില്ലെന്ന് രമേശ് ചെന്നിത്തല
December 1, 2019കോഴിക്കോട്: റിസര്‍വ് ബാങ്കിന്‍റെ അന്തിമ അനുമതി കൂടാതെയാണ് സംസ്ഥാന സര്‍ക്കാര്‍ കേരള ബാങ്ക് രൂപവത്കരിച്ച്‌ പ്രഖ്യാപനം നടത്തിയതെന്നും ഇത് ക്രമവിരുദ്ധമാണെന്നും പ്രതിപക്ഷ നേതാവ് രമേശ് ചെന്നിത്തല . പ്രാഥമിക നടപടി പൂര്‍ത്തിയാക്കാനുള്ള അനുമതിയാണ് ഹൈകോടതി നല്‍കിയത്. റിസര്‍വ് ബാങ്ക് മുന്നോട്ടുവെച്ച 19 ഉപാധികള്‍ സ്വീകാര്യമാണോ എന്ന് പരിശോധിച്ച്‌ അന്തിമ അനുമതി നല്‍കാനാണ് കോടതി നിര്‍ദേശം നല്‍കിയത് എന്നും അന്തിമ അനുമതി ലഭിച്ച ശേഷമേ കേരള ബാങ്ക് രൂപവത്കരിക്കാനാവൂ എന്നും അദ്ദേഹം വാര്‍ത്താസമ്മേളനത്തില്‍ പറഞ്ഞു.
