പാലത്തായി കേസിലെ പ്രതി പത്മരാജന്റെ ജാമ്യം റദ്ദ് ചെയ്യണമെന്നാവശ്യപ്പെട്ടു പെണ്കുട്ടിയുടെ മാതാവ് ഹൈക്കോടതിയില്
July 23, 2020പാലത്തായി പീഡനക്കേസിലെ പ്രതി പത്മരാജന്റെ ജാമ്യം റദ്ദ് ചെയ്യണം എന്ന് ആവശ്യപ്പെട്ട് പീഡിപ്പിക്കപ്പെട്ട പെണ്കുട്ടിയുടെ മാതാവ് ഹൈക്കോടതിയെ സമീപിച്ചു. അതേസമയം കേസില് തുടരന്വേഷണത്തിന് തലശേരി അഡീഷണല് ജില്ല സെഷന്സ് (രണ്ട്) കോടതി ഉത്തരവിട്ടിട്ടുണ്ട്.
ക്രൈം ബ്രാഞ്ച് സമര്പ്പിച്ച കുറ്റപത്രം അപൂര്ണ്ണമാണ്, പോക്സോ ചുമത്തിയില്ല എന്നതടക്കമുള്ള വീഴ്ച്ചകള് ചൂണ്ടിക്കാട്ടി പ്രോസിക്യൂഷന് നല്കിയ അപേക്ഷയിലാണ് ഉത്തരവ്. കണ്ണൂര് പാലത്തായിയില് വിദ്യാര്ത്ഥിനിയെ പീഡിപ്പിച്ച കേസില് ബി.ജെ.പി നേതാവും അധ്യാപകനുമായ പത്മരാജന് ഒരാഴ്ച മുൻപാണ് ജാമ്യം ലഭിച്ചത്.