ആഫ്രിക്കൻ പന്നിപ്പനി: തവിഞ്ഞാൽ ഫാമിലെപന്നികളെ കൊന്നൊടുക്കി

ആഫ്രിക്കൻ പന്നിപ്പനി: തവിഞ്ഞാൽ ഫാമിലെപന്നികളെ കൊന്നൊടുക്കി

July 26, 2022 Off By admin

മാ​ന​ന്ത​വാ​ടി: ദ​ക്ഷി​​േണ​ന്ത്യ​യി​ൽ ആ​ദ്യ​മാ​യി ആ​ഫ്രി​ക്ക​ൻ പ​ന്നി​പ്പ​നി സ്ഥി​രീ​ക​രി​ച്ച ത​വി​ഞ്ഞാ​ൽ കൊ​ള​ങ്ങോ​ട് മു​ല്ല​പ്പ​റ​മ്പി​ൽ എം.​വി. വി​ൻ​സെ​ന്റി​ന്റെ ഫാ​മി​ലെ മു​ഴു​വ​ൻ പ​ന്നി​ക​ളെ​യും കൊ​ന്നു. ഞാ​യ​റാ​ഴ്ച ഉ​ച്ച​യ്ക്ക് ര​ണ്ടേ​കാ​ലോ​ടെ ആ​രം​ഭി​ച്ച ദൗ​ത്യം 18 മ​ണി​ക്കൂ​റു​ക​ൾ​ക്ക് ശേ​ഷം തി​ങ്ക​ളാ​ഴ്ച രാ​ത്രി ഒ​മ്പ​തോ​ടെ​യാ​ണ് അ​വ​സാ​നി​ച്ച​ത്. ഞാ​യ​റാ​ഴ്ച കു​ഴി​യെ​ടു​ക്കാ​ൻ കൂ​ടു​ത​ൽ സ​മ​യം വേ​ണ്ടി‌​വ​ന്ന​താ​ണ് ന​ട​പ​ടി വൈ​കാ​ൻ കാ​ര​ണം. പ​ന്നി​ക​ളു​ടെ ജ​ഡം മ​റ​വ് ചെ​യ്യാ​ൻ ഫാ​മി​ന് സ​മീ​പ​ത്ത് ത​ന്നെ​യാ​ണ് 30 അ​ടി നീ​ള​ത്തി​ലും 20 അ​ടി വീ​തി​യി​ലും 20 അ​ടി താ​ഴ്ച​യി​ലും കു​ഴി നി​ർ​മി​ച്ച​ത്. കു​ഴി കു​ഴി​ക്കു​ന്ന​തി​നു​ള്ള പ്ര​വ​ർ​ത്ത​ന​ങ്ങ​ൾ ഞാ​യ​റാ​ഴ്ച മൂ​ന്നി​ന് തു​ട​ങ്ങി​യെ​ങ്കി​ലും രാ​ത്രി ഒ​മ്പ ​തോ​ടെ​യാ​ണ് അ​വ​സാ​നി​ച്ച​ത്. കു​ഴി പൂ​ർ​ത്തി​യാ​ക്കി​യ ശേ​ഷം രാ​ത്രി പ​ത്തോ​ടെ​യാ​ണ് പ​ന്നി​ക​ളെ കൊ​ന്നുതു​ട​ങ്ങി​യ​ത്. ഇ​ത് തി​ങ്ക​ളാ​ഴ്ച രാ​വി​ലെ അ​ഞ്ചു​വ​രെ നീ​ണ്ടു. ഈ ​സ​മ​യ​ത്തി​നു​ള്ളി​ൽ 190 പ​ന്നി​ക​ളെ കൊ​ന്നു. തി​ങ്ക​ളാ​ഴ്ച ഉ​ച്ച 12 മ​ണി​യോ​ടെ​യാ​ണ് വീ​ണ്ടും പ​ന്നി​ക​ളെ കൊ​ന്നു തു​ട​ങ്ങി​യ​ത്. രാ​ത്രി ഒ​മ്പത് മ​ണി​യോ​ടെ 350 പന്നികളെയും കൊ​ന്ന് സം​ഘം മ​ട​ങ്ങി.

ഇ​ല​ക്ട്രി​ക് സ്റ്റ​ണ്ണ​ർ ഉ​പ​യോ​ഗി​ച്ച് മ​യ​ക്കി​യ ശേ​ഷം ഞ​ര​മ്പ് മു​റി​ച്ച് ചോ​ര വാ​ർ​ത്തൊ​ഴു​ക്കി കൊ​ല്ലു​ന്ന ‘ഹ്യു​മേ​ൻ കി​ല്ലി​ങ്’ സം​വി​ധാ​ന​മാ​ണ് സ്വീ​ക​രി​ച്ച​ത്. ഈ ​രീ​തി​യി​ലൂ​ടെ ആ​റു മു​ത​ൽ പ​ത്ത് സെ​ക്ക​ന്റ് വ​രെ​യു​ള്ള സ​മ​യ​ത്തി​ന​കം പ​ന്നി​ക​ൾ ച​ത്തു​വീ​ണു. ഫോ​ട്ടോ എ​ടു​ക്ക​ൽ, തൂ​ക്കി‌​നോ​ക്കി ഭാ​രം നി​ശ്ച​യി​ക്ക​ൽ എ​ന്നി​വ കൂ​ടി​യു​ള്ള​തി​നാ​ലാ​ണ് സ​മ​യം പി​ന്നെ​യും വൈ​കി​യ​ത്. മ​റ്റു സം​സ്ഥാ​ന​ങ്ങ​ളി​ൽ ഈ ​രീ​തി അ​വ​ലം​ബി​ച്ച​പ്പോ​ൾ ഏ​ക​ദേ​ശം 80 മു​ത​ൽ 90 വ​രെ പ​ന്നി​ക​ളെ​യാ​ണ് ഒ​രു​ദി​വ​സം കൊ​ന്നി​രു​ന്ന​ത്. ഇ​ത​പേ​ക്ഷി​ച്ച് വ​ള​രെ വേ​ഗ​ത്തി​ലാ​ണ് വ​യ​നാ​ട്ടി​ലെ ന​ട​പ​ടി ക്ര​മ​ങ്ങ​ൾ പൂ​ർ​ത്തി​യാ​യ​ത്.

കാ​ട്ടി​ക്കു​ളം വെ​റ്റ​റി​ന​റി സ​ർ​ജ​ൻ ഡോ. ​വി. ജ​യേ​ഷ്, മാ​ന​ന്ത​വാ​ടി വെ​റ്റ​റി​ന​റി പോ​ളി​ക്ലി​നി​ക്കി​ലെ ഡോ. ​കെ. ജ​വ​ഹ​ർ എ​ന്നി​വ​രു​ടെ നേ​തൃ​ത്വ​ത്തി​ലു​ള്ള 16 അം​ഗ​സം​ഘ​മാ​ണ് ദൗ​ത്യം പൂ​ർ​ത്തി​യാ​ക്കി​യ​ത്. ഫാ​മി​ന്റെ ഒ​രു കി​ലോ​മീ​റ്റ​ർ പ​രി​ധി​യി​ൽ ഇ​വ​ർ​ക്ക് താ​മ​സ സൗ​ക​ര്യ​മൊ​രു​ക്കി​യി​രു​ന്നു. 24 മ​ണി​ക്കൂ​ർ ഇ​വി​ടെ ക്വാ​റ​ന്റീ​നി​ൽ ക​ഴി​ഞ്ഞ ശേ​ഷ​മാ​ണ് സം​ഘം മ​ട​ങ്ങു​ക. ദൗ​ത്യ​ത്തി​ന് ശേ​ഷം ഫാ​മും പ​രി​സ​ര​വും അ​ഗ്നി​ശ​മ​ന സേ​ന അ​ണു​വി​മു​ക്ത​മാ​ക്കി. മാ​ന​ന്ത​വാ​ടി ക​ണി​യാ​രം വ​ലി​യ​ക​ണ്ടി​ക്കു​ന്ന് കൊ​ള​വ​യ​ൽ ജി​നി ഷാ​ജി​യു​ടെ ഫാ​മി​ലു​ള്ള 43 പ​ന്നി​ക​ളും ആ​ഫ്രി​ക്ക​ൻ പ​ന്നി​പ്പ​നി ബാ​ധി​ച്ച് ച​ത്തെ​ന്ന് മൃ​ഗ​സം​ര​ക്ഷ​ണ വ​കു​പ്പ് സ്ഥി​രീ​ക​രി​ച്ചി​രു​ന്നു. ഈ ​ഫാ​മി​ന് ഒ​രു​കി​ലോ​മീ​റ്റ​ർ പ​രി​ധി​യി​ലു​ള്ള അ​ഞ്ച് ഫാ​മു​ക​ളി​ലെ 325 പ​ന്നി​ക​ളെ കൂ​ടി കൊ​ല്ലാ​ൻ തീ​രു​മാ​നി​ച്ചി​രു​ന്നു. ജി​യോ​ടാ​ഗ് സം​വി​ധാ​നം ഉ​പ​യോ​ഗി​ച്ച് അ​ള​ന്ന​പ്പോ​ൾ സ​മീ​പ​ത്തു​ള്ള ഫാ​മു​ക​ളു​ടെ എ​ണ്ണം കു​റ​ഞ്ഞു. നി​ല​വി​ൽ മാ​ന​ന്ത​വാ​ടി​യി​ലെ 80 പ​ന്നി​ക​ളെ കൊ​ല്ലാ​നാ​ണ് തീ​രു​മാ​നം. ഇ​തും ര​ണ്ടു ദി​വ​സ​ത്തി​ന​കം ആ​രം​ഭി​ക്കും.