കുന്ദമംഗലത്ത് വന്‍ അഗ്നിബാധ; ബെന്‍സ് കാറുകള്‍ കത്തി നശിച്ചു
കോഴിക്കോട്: കുന്ദമംഗലത്തിനടുത്ത് മുറിയനാലില്‍ ബെന്‍സ് വര്‍ക്ക്ഷോപ്പില്‍ വന്‍തീപ്പിടിത്തം. എട്ട് ബെന്‍സ് കാറുകള്‍ പൂര്‍ണമായും നാല് കാറുകള്‍ ഭാഗികമായും കത്തി നശിച്ചു. ഷോപ്പിനകത്ത യന്ത്രങ്ങളും മറ്റുള്ള സാധന സാമഗ്രികളും…
കോഴിക്കോട്: കുന്ദമംഗലത്തിനടുത്ത് മുറിയനാലില്‍ ബെന്‍സ് വര്‍ക്ക്ഷോപ്പില്‍ വന്‍തീപ്പിടിത്തം. എട്ട് ബെന്‍സ് കാറുകള്‍ പൂര്‍ണമായും നാല് കാറുകള്‍ ഭാഗികമായും കത്തി നശിച്ചു. ഷോപ്പിനകത്ത യന്ത്രങ്ങളും മറ്റുള്ള സാധന സാമഗ്രികളും കത്തി നശിച്ചിട്ടുണ്ട്.
കോഴിക്കോട് സ്വദേശി ജോബി എന്നയാളുടെ ഉടമസ്ഥതയിലുള്ള എമിറേറ്റ്സ് മോട്ടോഴ്സ് എന്ന മെക്കാനിക്കല്‍ ഷോപ്പിനാണ് ഇന്നു പുലര്‍ച്ചെ 5.45ഓടെ തീപിടിച്ചത്. തീ പിടിച്ചത് നാട്ടുകാള്‍ കണ്ട് പൊലീസിനെ അറിയിക്കുകയായിരുന്നു.തീ പിടിത്തത്തിന് കാരണംഷോര്‍ട്ട് സര്‍ക്യൂട്ടാണെന്നാണ് പ്രാഥമിക നിഗമനം. വെള്ളിമാടുകുന്ന് അഗ്നി രക്ഷാ സേനയില്‍ നിന്ന് മൂന്ന് യൂണിറ്റും, നരിക്കുനിയില്‍ നിന്ന് രണ്ട് യൂണിറ്റും എത്തിയാണ് തീയണച്ചത്.