ഇന്ത്യയുടെ നിര്ണ്ണായക നീക്കങ്ങള് ഫലം കണ്ടു; ജെയ്ഷെ മുഹമ്മദ് തലവന് മസൂദ് അസ്ഹറിനെ യുഎന് രക്ഷാ സമിതി ആഗോള ഭീകരനായി പ്രഖ്യാപിച്ചു
May 1, 2019ജയ്ഷെ മുഹമ്മദ് തലവന് മസൂദ് അസറിനെ ആഗോള ഭീകരനായി ഐക്യരാഷ്ട്രസഭാ രക്ഷാസമിതി പ്രഖ്യാപിച്ചു. ബുധനാഴ്ച ചേര്ന്ന യുഎന്നിന്റെ പ്രത്യേക സമിതിയുടെ യോഗത്തിലാണ് മസൂദ് അസറിനെ ആഗോള ഭീകരനായി പ്രഖ്യാപിക്കാനുള്ള പ്രമേയം പാസാക്കിയത്.മസൂദിനെതിരായ നടപടിയെ കഴിഞ്ഞ നാലു തവണയും എതിര്ത്ത ചൈന ഇത്തവണ എതിര്വാദങ്ങള് ഉന്നയിച്ചില്ല. ഇന്ത്യ ഏറെക്കാലമായി ആവശ്യപ്പെടുന്ന കാര്യം ചൈനയുടെ എതിര്പ്പിലാണ് ഇതുവരെ പരാജയപ്പെട്ടിരുന്നത്. ആഗോള ഭീകരനായി പ്രഖ്യാപിച്ചതോടെ മസൂദ് അസറിന്റെ സ്വത്തുക്കള് മരവിപ്പിക്കും. ആഗോള ഭീകരനായി പ്രഖ്യാപിച്ചതോടെ മസൂദ് അസറിനെ സംരക്ഷിക്കാന് ഇനി പാക്കിസ്ഥാനു സാധിക്കില്ല. അറസ്റ്റ് അടക്കമുള്ള കാര്യങ്ങളിലേക്ക് പാക്കിസ്ഥാനു നീങ്ങേണ്ടി വരും. മസൂദിന്റെ കാര്യത്തില് നിലപാടു മാറ്റുന്നതിന് ഇന്ത്യയ്ക്കു പുറമേ യുഎസ്, ബ്രിട്ടന്, ഫ്രാന്സ് എന്നീ രാഷ്ട്രങ്ങളും ചൈനയ്ക്കുമേല് സമ്മര്ദം ചെലുത്തിയിരുന്നു.