100 ശതമാനം വിജയം കൊയ്ത് 31 സ്കൂളുകള്‍; മികച്ച വിദ്യാഭ്യാസ ജില്ലയായി കുട്ടനാട്

എസ് എസ് എൽ സി പരീക്ഷയിൽ 31 സ്കൂളുൾ നൂറു ശതമാനം വിജയം കൈവരിച്ചതിലൂടെ സംസ്ഥാനത്തെ ഏറ്റവും മികച്ച വിദ്യാഭ്യാസ ജില്ലയായി മാറിയിരിക്കുകയാണ് കുട്ടനാട് . 99.1 ശതമാനം വിദ്യാർത്ഥികളും വിജയിച്ചതോടെയാണ് ഈ അഭിമാന നേട്ടത്തിന് കേരളത്തിന്റെ നെല്ലറ അർഹരായത്. ഏറ്റവും നിർണായകമായ അദ്ധ്യയന ദിവസങ്ങളാണ് കുട്ടനാട്ടിലെ വിദ്യാർത്ഥികൾക്ക് മഹാ പ്രളത്തിൽ നഷ്ടമായത്. പാഠപുസ്തകങ്ങളും പഠനോപകരണങ്ങളും നശിച്ച അവർ മാസങ്ങളോളമാണ് ദുരിതാശ്വാസ ക്യാമ്പുകളിൽ താമസിക്കേണ്ടി വന്നത്. പക്ഷെ ഒരു പരീക്ഷണങ്ങളിലും പരാജയപ്പെടാൻ ആ വിദ്യാർത്ഥികൾ ഒരുക്കമായിരുന്നില്ല .

പ്രളയക്കെടുതികൾക്കിടയിലും വിദ്യാർത്ഥികൾ നടത്തിയ ആത്മാർത്ഥ പരിശ്രമത്തിലൂടെ 99.9 ശതമാനം വിജയം നേടിയാണ് സംസ്ഥാനത്തെ ഏറ്റവും മികച്ച വിദ്യാഭ്യാസ ജില്ലയായി കുട്ടനാട് മാറിയത്. പരീക്ഷയെഴുതിയ 2114 വിദ്യാർത്ഥികളിൽ രണ്ടു പേരൊഴികെ എല്ലാവരും വിജയിച്ചപ്പോൾ , 150 വിദ്യാർത്ഥികൾക്കാണ് മുഴുവൻ വിഷയങ്ങൾക്കും ഏ.പ്ലസ്.ലഭിച്ചത്. 5 പൊതു വിദ്യാലയങ്ങളുൾപ്പടെ 31 സ്കൂളുകൾ കുട്ടനാട്ടിൽ നൂറ് ശതമാനം വിജയം നേടിയപ്പോൾ ആലപ്പുഴയിലെ മറ്റ് സ്കൂളുകളും മികച്ച നേട്ടം തന്നെയാണ് കൈവരിച്ചത്.

ഇവിടെ പോസ്റ്റു ചെയ്യുന്ന അഭിപ്രായങ്ങൾ ഈവനിംഗ് കേരളയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

Leave a Reply

Your email address will not be published. Required fields are marked *