വോട്ടെണ്ണല്‍ കേന്ദ്രത്തില്‍ കേരളാ പോലീസിനും സ്‌പെഷ്യല്‍ ബ്രാഞ്ചിനും പ്രവേശനമില്ലെന്ന് ടിക്കാറാം മീണ

തിരുവനന്തപുരം: വോട്ടെണ്ണല്‍ കേന്ദ്രത്തില്‍ കേരളാ പോലീസിനും സ്‌പെഷ്യല്‍ ബ്രാഞ്ചിനും പ്രവേശനമില്ലെന്ന് മുഖ്യ തെരഞ്ഞെടുപ്പ് കമ്മീഷണര്‍ ടിക്കാറാം മീണ. കേന്ദ്ര സേനക്ക് മാത്രമായിരിക്കും പ്രവേശനമുണ്ടാകുക. ഇലക്ട്രോണിക് വോട്ടിംഗ് യന്ത്രങ്ങളിലെ വോട്ടും വിവിപാറ്റ് രശീതികളുടെ എണ്ണവും തമ്മില്‍ വ്യത്യാസമുണ്ടാകുന്ന സാഹചര്യം വന്നാല്‍ വിവിപാറ്റ് കണക്കുകള്‍ അന്തിമമായിരിക്കുമെന്ന് അദ്ദേഹം വ്യക്തമാക്കി.കൗണ്ടിംഗ് സ്റ്റേഷനു പുറത്ത് സുരക്ഷാ ചുമതല കേരള ആംഡ് പോലീസിനും അതിനു പുറത്തുള്ള സുരക്ഷാ ചുമതല കേരളാ പോലീസിനുമാണ്. സംസ്ഥാനത്ത് വോട്ടെണ്ണലിനുള്ള ഒരുക്കങ്ങള്‍ പൂര്‍ത്തിയായെന്നും നറുക്കെടുപ്പിലൂടെ 5 ബൂത്തുകളിലെ വിവിപാറ്റ് രസീതുകള്‍ കര്‍ശനമായി എണ്ണുമെന്നും ടിക്കാറാം മീണ പറഞ്ഞു. ഒരു സമയത്ത് സ്‌ട്രോംഗ് റൂമില്‍ നിന്ന് ഒരു ഇലക്‌ട്രോണിക് വോട്ടിംഗ് യന്ത്രം മാത്രമേ കൗണ്ടിംഗ് ടേബിളിലേക്ക് കൊണ്ടുവരുള്ളൂ എന്നും അദ്ദേഹം വ്യക്തമാക്കി. രാത്രി 8 മണിയോടെ വോട്ടെണ്ണല്‍ പൂര്‍ത്തീകരിക്കാമെന്നാണ് പ്രതീക്ഷയെന്നും ടിക്കാറാം മീണ പറഞ്ഞു.

ഇവിടെ പോസ്റ്റു ചെയ്യുന്ന അഭിപ്രായങ്ങൾ ഈവനിംഗ് കേരളയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

Leave a Reply

Your email address will not be published. Required fields are marked *