പി.വി.അന്‍വറിന്റെ പാര്‍ക്കിന്റെ ലൈസന്‍സ് കാലാവധി ഇന്ന് അവസാനിക്കും

തിരുവമ്പാടി: കക്കാടംപൊയിലില്‍ പി.വി.അന്‍വര്‍ എംഎല്‍എയുടെ വിവാദ വാട്ടര്‍ തീം പാര്‍ക്കിന് കൂടരഞ്ഞി ഗ്രാമപഞ്ചായത്ത് അനുവദിച്ച ലൈസന്‍സ് കാലാവധി ഇന്ന് അവസാനിക്കും. മാര്‍ച്ച് 31ന് അവസാനിച്ച ലൈസന്‍സ് മൂന്നുമാസത്തേക്ക് നീട്ടുകയായിരുന്നു. പ്രവര്‍ത്തനാനുമതി പുതുക്കി നല്‍കണമെന്ന പി വി അന്‍വറിന്റെ അപേക്ഷ പഞ്ചായത്ത് കഴിഞ്ഞ ദിവസം പരിഗണിച്ചിരുന്നില്ല.

പി.വി അന്‍വറിന്റെയും അദ്ദേഹത്തിന്റെ രണ്ടാം ഭാര്യയുടെ ഉടമസ്ഥതയിലുള്ള പി.വി.ആര്‍ എന്റര്‍ടെയ്ന്‍മെന്റ്‌സിന്റെയും പേരിലാണ് പാര്‍ക്കിന്റെ ഉടമസ്ഥത. പാര്‍ക്ക് നിലനില്‍ക്കുന്ന 11 ഏക്കറിന്റെ 60 ശതമാനത്തോളം അന്‍വറിന്റെ പേരിലുള്ളതാണ്. മാലിന്യ നിര്‍മാര്‍ജനത്തിന് സൗകര്യം ഒരുക്കിയില്ലെന്ന കാരണം ചൂണ്ടിക്കാട്ടി മലിനീകരണ നിയന്ത്രണ ബോര്‍ഡും പാര്‍ക്കിന് അനുമതി നിഷേധിച്ചിരുന്നു.

കനത്ത മഴയെ തുടര്‍ന്ന് ജില്ലയുടെ വിവിധ ഭാഗങ്ങളിലുണ്ടായ ഉരുള്‍പൊട്ടലിന്റെ പശ്ചാത്തലത്തില്‍ കേന്ദ്ര ദുരന്ത നിവാരണ അതോറിറ്റിയും പാര്‍ക്കിന്റെ പ്രവര്‍ത്തനം നിര്‍ത്തിവെക്കാന്‍ മെമ്മോ നല്‍കിയിരുന്നു. തുടര്‍ന്ന് പാര്‍ക്കിലെ കുളങ്ങള്‍ വറ്റിക്കാന്‍ പഞ്ചായത്ത് നിര്‍ദ്ദേശം നല്‍കിയിരുന്നു.

ഇവിടെ പോസ്റ്റു ചെയ്യുന്ന അഭിപ്രായങ്ങൾ ഈവനിംഗ് കേരളയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

Leave a Reply

Your email address will not be published. Required fields are marked *