വിദ്യാര്‍ത്ഥിനികള്‍ക്ക് ശുചിമുറി ഉപയോഗിക്കുന്നതില്‍ സമയക്രമവും, അടിവസ്ത്രത്തിന്റെ നിറവും നിശ്ചയിച്ച സ്‌കൂള്‍ മാനേജ്‌മെന്റിനെതിരെ മാതാപിതാക്കള്‍

പൂനെ: വിദ്യാര്‍ഥിനികളുടെ അടിവസ്ത്രത്തിന്റെ നിറവും പാവാടയുടെ ഇറക്കവും നിശ്ചയിച്ച് ഉത്തരവിറക്കിയ സ്‌കൂള്‍ മാനേജ്‌മെന്റിനെതിരെ മാതാപിതാക്കള്‍ രംഗത്ത്. പൂനെ എം.ഐ.ടി സ്‌കൂള്‍ മാനേജ്‌മെന്‍ിന്റെ തീരുമാനങ്ങള്‍ക്കെതിരെയാണ് മാതാപിതാക്കളും വിദ്യാര്‍ഥിനികളും പ്രതിഷേധവുമായി രംഗത്തെത്തിയിരിക്കുന്നത്.

വിദ്യാര്‍ഥിനികളുടെ അടിവസ്ത്രത്തിന്റെ നിറം വെള്ളയോ ചര്‍മ്മത്തിന്റെ നിറമോ ആയിരിക്കണമെന്നാണ് അധികൃതരുടെ ഉത്തരവില്‍ പറയുന്നത്. ഇതു കൂടാതെ വിദ്യാര്‍ഥിനികള്‍ ശുചിമുറി ഉപയോഗിക്കുന്നതിനുള്ള സമയക്രമവും അധികൃതര്‍ നിശ്ചയിച്ചിട്ടുണ്ട്.

വിവരങ്ങള്‍ സ്‌കൂള്‍ ഡയറിയില്‍ രേഖപ്പെടുത്തിയ ശേഷം മാതാപിതാക്കളോട് ഒപ്പിട്ടു നല്‍കണമെന്നും അധികൃതര്‍ ആവശ്യപ്പെട്ടിരുന്നു. ഇതിനെതിരെയാണ് ശക്തമായ പ്രതിഷേധം ഉയര്‍ന്നിരിക്കുന്നത്. എന്നാല്‍ തീരുമാനത്തില്‍ നിന്നു പിന്മാറാന്‍ അധികൃതര്‍ തയ്യാറായിട്ടില്ല.

ഇവിടെ പോസ്റ്റു ചെയ്യുന്ന അഭിപ്രായങ്ങൾ ഈവനിംഗ് കേരളയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

Leave a Reply

Your email address will not be published. Required fields are marked *