അമര്‍ഷം അടങ്ങാതെ എസ്ഡിപിഐ: പത്തനംതിട്ട എസ്എഫ്‌ഐ ജില്ലാകമ്മറ്റി അംഗത്തിനു നേരെ ആക്രമണം

പത്തനംതിട്ട: എസ്എഫ്‌ഐ  പത്തനംതിട്ട ജില്ലാകമ്മറ്റി അംഗം ഉണ്ണിരവിക്കെതിരെ എസ്ഡിപിഐ ആക്രമണം. ഇന്നലെ രാത്രി ബൈക്കില്‍ സഞ്ചരിച്ച ഉണ്ണിയെ എസ്ഡിപിഐ ക്രമിനല്‍ സംഘം വെട്ടി വീഴ്ത്തുകയായിരുന്നു.

സിപിഐ എം ജില്ലാ കമ്മിറ്റി ഓഫീസില്‍ നിന്ന് ബൈക്കില്‍ വീട്ടിലേക്ക് പോകുമ്‌ബോഴാണ് സംഭവം. പിന്നില്‍ നിന്നെത്തിയെ എസ്ഡി പി ഐ സംഘം ബൈക്ക് ഓടിക്കുന്ന ഉണ്ണിയെ പുറകില്‍ നിന്നും വെട്ടി വീഴ്ത്തുകയായിരുന്നു.

ഇടതുകൈയ്ക്ക് വെട്ടേറ്റ് ബൈക്കില്‍ നിന്ന് തെറിച്ചുവീണ ഉണ്ണി തലനാരിഴയ്ക്കാണ് രക്ഷപ്പെട്ടത്. ഉണ്ണിയെ ഉടന്‍ പത്തനംതിട്ട ജനറല്‍ ആശുപത്രിയില്‍ പ്രവേശിപ്പിച്ചു.

എസ്ഡിപിഐ നേതാവ് ബുഹാരിയുടെ നേതൃത്വത്തിലെത്തിയ സംഘം കഴിഞ്ഞ ദിവസം ഉണ്ണിക്കെതിരെ വധ ഭീക്ഷണി മുഴക്കിയിരുന്നു.

നീയല്ലേ ഉണ്ണിരവിയെന്നും നിന്നെ കണ്ടോളാമെന്നുമായിരുന്നു എസ്ഡിപിഐ സംഘത്തിന്റെ ഭീഷണി. ഇതിനു പിന്നാലെയാണ് അഭിമന്യുവിനെതിരായ അക്രമം ഉണ്ടായത്.

ഇവിടെ പോസ്റ്റു ചെയ്യുന്ന അഭിപ്രായങ്ങൾ ഈവനിംഗ് കേരളയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

Leave a Reply

Your email address will not be published. Required fields are marked *