പീഡന ആരോപണം: ഗുജറാത്ത് ബി.ജെ.പി ഉപാദ്ധ്യക്ഷന്‍ രാജിവച്ചു

അഹമ്മദാബാദ്: പീഡന ആരോപണത്തെ തുടര്‍ന്ന് വിവാദത്തിലായ ഗുജറാത്തിലെ ബി.ജെ.പി ഉപാദ്ധ്യക്ഷന്‍ രാജിവച്ചു. മുന്‍ എം.എല്‍.എകൂടിയായ ജയന്തി ബനുഷാലിയാണ് രാജിവച്ചത്.

സൂറത്ത് സ്വദേശിനിയായ 21കാരിയാണ് 52കാരനായ ജയന്തി ബനുഷാലിക്കെതിരെ ആരോപണം ഉന്നയിച്ചത്. ജൂലായ് 10നാണ് പൊലീസ് കമ്മിഷണര്‍ക്ക് പെണ്‍കുട്ടി പരാതി നല്‍കിയത്. കോളേജില്‍ അഡ്മിഷന്‍ തരപ്പെടുത്തി തരാമെന്ന് പറഞ്ഞ് പലയിടത്തും വച്ച് തന്നെ പീഡിപ്പിച്ചുവെന്നാണ് പെണ്‍കുട്ടിയുടെ പരാതി.

അതേസമയം, തനിക്കെതിരെ ഉയര്‍ന്ന ആരോപണങ്ങളെ ബനുഷാലി നിഷേധിച്ചു. ബനുഷാലിക്കെതിരെ നടന്ന ഗൂഡാലോചനയുടെ ഭാഗമാണ് ആരോപണമെന്ന് ബി.ജെ.പി സംസ്ഥാന അദ്ധ്യക്ഷന്‍ ജിത്തു വഗാനി പറഞ്ഞു.

ഇവിടെ പോസ്റ്റു ചെയ്യുന്ന അഭിപ്രായങ്ങൾ ഈവനിംഗ് കേരളയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

Leave a Reply

Your email address will not be published. Required fields are marked *