കൊല്ലം പുനലൂരിലെ തിയേറ്ററില്‍ മദ്യപിച്ചെത്തിയ സംഘത്തിന്റെ ആക്രമണം
പുനലൂര്‍: കൊല്ലം പുനലൂരിലെ തിയേറ്ററില്‍ മദ്യപിച്ചെത്തിയ സംഘത്തിന്റെ ആക്രമണം. പുനലൂരിലെ രാംരാജ് തിയേറ്ററിലാണ് മദ്യപിച്ച് എത്തിയ സംഘം പ്രശ്‌നങ്ങള്‍ ഉണ്ടാക്കിയത്. ഇവര്‍ സ്ത്രീകളെയും ശല്യം ചെയ്തതോടെ തിയേറ്റര്‍…
By : Editor
Update: 2018-12-16 21:37 GMT
പുനലൂര്‍: കൊല്ലം പുനലൂരിലെ തിയേറ്ററില്‍ മദ്യപിച്ചെത്തിയ സംഘത്തിന്റെ ആക്രമണം. പുനലൂരിലെ രാംരാജ് തിയേറ്ററിലാണ് മദ്യപിച്ച് എത്തിയ സംഘം പ്രശ്‌നങ്ങള്‍ ഉണ്ടാക്കിയത്. ഇവര്‍ സ്ത്രീകളെയും ശല്യം ചെയ്തതോടെ തിയേറ്റര്‍ മാനേജര്‍ പൊലീസില്‍ വിവരം അറിയിക്കുകയായിരുന്നു. സംഭവം അറിഞ്ഞ് പൊലീസെത്തുകയും ഇവരെ കസ്റ്റഡിയിലെടുക്കുകയും ചെയ്തതോടെയാണ് വീണ്ടും പ്രശ്‌നങ്ങള്‍ തുടങ്ങിയത്.
സ്റ്റേഷനിലേക്ക് കൊണ്ടുപോകാന്‍ ശ്രമിച്ചതോടെ യുവാക്കള്‍ ഭീകരാന്തരീക്ഷം സൃഷ്ടിക്കുകയായിരുന്നു. റോഡില്‍ വച്ച് പൊലീസിനെ മര്‍ദ്ദിക്കാനും യുവാക്കള്‍ ശ്രമിച്ചു. പിന്നീട് കൂടുതല്‍ പൊലീസെത്തുകയും പ്രശ്‌നമുണ്ടാക്കിയവരെ എല്ലാം അറസ്റ്റ് ചെയ്യുകയുമായിരുന്നു. യുവാക്കള്‍ ഇടമണ്‍ സ്വദേശികളാണെന്നാണ് വിവരം. ഇവരെ പുനലൂര്‍ പൊലീസ് സ്‌റ്റേഷനില്‍ എത്തിച്ചു.