അമൃതയുടെ മകൾ മരിച്ചുവെന്ന വ്യാജവാര്‍ത്ത പ്രചരിപ്പിച്ച യുട്യൂബ് ചാനലിനെതിരെ ശക്തമായ പ്രതികരണവുമായി സഹോദരി അഭിരാമി സുരേഷ്
വ്യാജവാര്‍ത്ത പ്രചരിപ്പിച്ച യുട്യൂബ് ചാനലിനെതിരെ ശക്തമായ പ്രതികരണവുമായി ഗായിക അഭിരാമി സുരേഷ്. തന്റെ സഹോദരിയും ഗായികയുമായ അമൃത സുരേഷിന്റേയും മകള്‍ അവന്തികയുടേയും ചിത്രം ഉള്‍പ്പെടെ തെറ്റിദ്ധാരണജനകമായ വാര്‍ത്ത…
വ്യാജവാര്‍ത്ത പ്രചരിപ്പിച്ച യുട്യൂബ് ചാനലിനെതിരെ ശക്തമായ പ്രതികരണവുമായി ഗായിക അഭിരാമി സുരേഷ്. തന്റെ സഹോദരിയും ഗായികയുമായ അമൃത സുരേഷിന്റേയും മകള്‍ അവന്തികയുടേയും ചിത്രം ഉള്‍പ്പെടെ തെറ്റിദ്ധാരണജനകമായ വാര്‍ത്ത പ്രചരിപ്പിച്ചതിനെതിരേയാണ് അഭിരാമിയുടെ പ്രതികരണം.
മറ്റൊരു ഭാഷയിലെ സിനിമ മേഖലയിലെ അമൃത എന്ന അഭിനേത്രിയുടെ മകള്‍ മരിച്ചെന്ന വാര്‍ത്തയാണ് യുട്യൂബ് ചാനല്‍ നല്‍കിയത്. എന്നാല്‍ അതിന്റെ തമ്പ്‌നെയ്ല്‍ ആയി അമൃത സുരേഷിന്റേയും അമൃത എന്നു പേരുള്ള മറ്റു ചില പ്രശസ്തരുടേയും കരയുന്ന ചിത്രമാണ് നല്‍കിയതെന്നും ഇത് ആളുകളെ തെറ്റിദ്ധരിപ്പിക്കുന്നതാണെന്നും അഭിരാമി വ്യക്തമാക്കുന്നു. തന്റെ സോഷ്യല്‍ മീഡിയ അക്കൗണ്ടില്‍ പോസ്റ്റ് ചെയ്ത വീഡിയോയിലൂടെയാണ് അഭിരാമി തന്റെ പ്രതികരണം അറിയിച്ചത്.