ഒരു ബുള്ളറ്റ് ഇങ്ങോട്ട് വന്നാൽ പാകിസ്ഥാനിൽ ഒരു ഷെൽ ആയിരിക്കും പതിക്കുക ; അമിത് ഷാ

റാഞ്ചി : വീണ്ടും അധികാരത്തിലേറിയാൽ ജമ്മു കശ്മീരിന് ഭരണഘടനയിലെ 370 വകുപ്പ് പ്രകാരം നൽകി വരുന്ന പ്രത്യേകാധികാരം പിൻവലിക്കുമെന്ന് ബിജെപി ദേശീയ അദ്ധ്യക്ഷൻ അമിത് ഷാ . ജാർഖണ്ഡിലെ പലമാവു ജില്ലയിൽ സംഘടിപ്പിച്ച റാലിയിൽ സംസാരിക്കുകയായിരുന്നു അദ്ദേഹം .

കോൺഗ്രസ് നേതൃത്വത്തിലുള്ള യു പി എ സർക്കാരിന്റെ കാലത്ത് പാകിസ്ഥാനിൽ നിന്നുള്ള ഭീകരവാദ ഗ്രൂപ്പുകൾ ഇന്ത്യയെ നിരന്തരം ലക്ഷ്യം വച്ചുകൊണ്ടിരുന്നു . ജവാന്മാരുടെ ജീവൻ എടുത്തു .രാജ്യത്തിന്റെ സുരക്ഷയിൽ നമുക്ക് വിട്ടു വീഴ്ച്ച ചെയ്യാൻ പറ്റില്ല . കശ്മീരിനെ ഇന്ത്യയിൽ നിന്നും വേർപ്പെടുത്തണമെന്ന ആഗ്രഹം വിലപ്പോകില്ല . ഒരു ബുള്ളറ്റ് ഇങ്ങോട്ട് വന്നാൽ അവിടെ ഒരു ഷെൽ ആയിരിക്കും പതിക്കുക ,അമിത് ഷാ പറഞ്ഞു