Begin typing your search above and press return to search.
കോഴിക്കോട് കാരശ്ശേരിയില് വവ്വാലുകള് കൂട്ടത്തോടെ ചത്തനിലയില് ;ജനങ്ങള് ആശങ്കയില്
കോഴിക്കോട്: പക്ഷിപ്പനി റിപ്പോര്ട്ട് ചെയ്തതിന് പിന്നാലെ കോഴിക്കോട് കാരശ്ശേരിയില് വവ്വാലുകളെ കൂട്ടത്തോടെ ചത്തനിലയില് കണ്ടെത്തി. കാരശ്ശേരിയുടെ സമീപ പഞ്ചായത്തായ കൊടിയത്തൂരിലാണ് പക്ഷിപ്പനി സ്ഥിരീകരിച്ചത്. ഇതോടെ ജനങ്ങള് ഭീതിയിലായിരിക്കുകയാണ്.
അതേസമയം പക്ഷിപ്പനി റിപ്പോര്ട്ട് ചെയ്ത വേങ്ങേരി, കൊടിയത്തൂര് പ്രദേശങ്ങളിലെ പ്രതിരോധ പ്രവര്ത്തനങ്ങള് ഒരു വിഭാഗം നാട്ടുകാരുടെ നിസ്സഹകരണം മൂലം പ്രതിസന്ധിയിലായിരിക്കുകയാണ്. നാട്ടുകാരില് പലരും തങ്ങളുടെ കോഴികള് അടക്കമുള്ള വളര്ത്തുപ്പക്ഷികളെ കൂട്ടത്തോടെ മാറ്റിയതാണ് പ്രതിസന്ധിക്ക് കാരണമായിരിക്കുന്നത്. പലരും വീട്ടില് വളര്ത്തുന്ന വിലകൂടിയ അലങ്കാര പക്ഷികളെയും മാറ്റിയിട്ടുണ്ട്. ഈ സാഹചര്യത്തില് ഇനിയും പക്ഷിപ്പനി പൊട്ടിപ്പുറപ്പെടാനുള്ള സാധ്യതകള് കൂടുതലാണെന്നാണ് അധികൃതര് പറയുന്നത്.
Next Story