കെട്ടുങ്ങൽ ബീച്ച് പരിസരത്ത് ലഹരി മാഫിയ വിളയാട്ടം

പരപ്പനങ്ങാടി: പരപ്പനങ്ങാടി - താനൂർ അതിർത്തിയിലെ നിരവധി ആളുകൾ എത്തുന്ന കെട്ടുങ്ങൽ ബീച്ച് പരിസരത്ത് കഞ്ചാവ് വിൽപ്പന നടത്തുന്നതായി പരിസരവാസികളുടെ പരാതി. രാപകൽ വ്യത്യാസമില്ലാതെ . ഇതിന്റെ സമീപ പ്രദേശമായ അയോദ്ധ്യ നഗർ കേന്ദ്രീകരിച്ച് മദ്യ വിൽപ്പനയും, അനാശ്വാസ പ്രവർത്തനങ്ങളും സജീവമാണെന്നും ആരോപണമുണ്ട്. പൂരപ്പുഴയും, അറബികടലും കൂടി ചേരുന്ന ഈ പ്രദേശം നിരവധി പേർ കുടുംബ സമ്മേതം സായ്ഹാനങ്ങളിൽ എത്തുന്ന പ്രദേശമാണ്.
എക്സൈസ് ഡിപ്പാർട്ട് മെന്റിലും, പോലീസിലും നിരവധി തവണ നാട്ടുക്കാർ പരാതി നൽകിയിട്ടും ഇതിൽ കാര്യമായ ഇടപെടൽ ഉണ്ടാവുന്നില്ലത്രേ.പരപ്പനങ്ങാടി LBS കോളേജ് നിർമ്മാണത്തിന് ഉള്ള സ്ഥലവും കണ്ടെത്തി നിർമ്മാണ പ്രവർത്തനം തുടങ്ങുന്നതും ഈ പ്രദേശത്താണ്. വിദ്യാർത്ഥികൾ അടക്കം ലഹരി മാഫിയയുടെ പിടിയിലാവും മുന്നെ ഇതിൽ കർശന നടപടി ഉണ്ടാവണം എന്ന് നാട്ടുക്കാരിൽ നിന്ന് ശക്തമായ ആവശ്യവും ഉയർന്നു വരുന്നു.