അന്യസംസ്ഥാന തൊഴിലാളികളെ സംഘടിപ്പിച്ച സംഭവത്തില്‍ വെല്‍ഫെയര്‍ പാര്‍ട്ടി നേതാവ് അറസ്റ്റില്‍
ഹരിപ്പാട്: അന്യസംസ്ഥാന തൊഴിലാളികളെ സംഘടിപ്പിച്ച സംഭവത്തില്‍ വെല്‍ഫെയര്‍ പാര്‍ട്ടി നേതാവിനെ പൊലീസ് അറസ്റ്റ് ചെയ്തു. ചിങ്ങോലി എന്‍.ടി.പി.സി ജംഗ്ഷന് സമീപത്തെ ദാറുല്‍ നൂറായില്‍ നാസറുദീന്‍ (57)നെയാണ് ഹരിപ്പാട്…
ഹരിപ്പാട്: അന്യസംസ്ഥാന തൊഴിലാളികളെ സംഘടിപ്പിച്ച സംഭവത്തില്‍ വെല്‍ഫെയര്‍ പാര്‍ട്ടി നേതാവിനെ പൊലീസ് അറസ്റ്റ് ചെയ്തു. ചിങ്ങോലി എന്‍.ടി.പി.സി ജംഗ്ഷന് സമീപത്തെ ദാറുല്‍ നൂറായില്‍ നാസറുദീന്‍ (57)നെയാണ് ഹരിപ്പാട് പൊലീസ് അറസ്റ്റ് ചെയ്തത്.
വെല്‍ഫെയര്‍ പാര്‍ട്ടി ജില്ലാ ഭാരവാഹിയാണ് നാസറുദ്ദീന്‍. കഴിഞ്ഞ ദിവസം കാര്‍ത്തികപ്പള്ളി ജംഗ്ഷനില്‍ മുപ്പതോളം തൊഴിലാളികളെ സംഘടിച്ച സംഭവത്തില്‍ പൊലീസ് സൈബര്‍ സെല്ലിന്റെ സഹായത്തോടെ ഇന്നലെ വൈകുന്നേരം ആറു മണിയോടെ പ്രതിയെ പിടികൂടിയത്. എസ്പി യുടെ സ്‌പെഷ്യല്‍ സ്‌ക്വാഡ് എസ് ഐ ലെയ്‌സാദ് മുഹമ്മദ്, ഹരിപ്പാട് സിഐ ആര്‍ ഫയാസ്, എസ്‌ഐ എം. ഹുസൈന്‍, എ എസ് ഐ അന്‍വര്‍ എന്നിവരടങ്ങിയ സംഘമാണ് പ്രതിയെ പിടികൂടിയത്. ഇയാളെ ജാമ്യത്തില്‍വിട്ടു. പുതിയ ഓര്‍ഡിനന്‍സ് പ്രകാരമുള്ള വകുപ്പ് ചുമത്തിയാണ് അറസ്റ്റ് ചെയ്തതെന്ന് പൊലീസ് അറിയിച്ചു.
ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ഈവനിംഗ്കേരളയുടേതല്ല
