കൊവിഡിന്‍റെ പേരില്‍ പണപ്പിരിവ് ; എംഎസ്‌എഫ് പ്രവര്‍ത്തകനെതിരെ കേസ്
കൊയിലാണ്ടി: കൊറോണ വൈറസ് രോഗബാധ മൂലം പ്രതിസന്ധിയിലായവരെ സഹായിക്കാനെന്ന പേരില്‍ പണപ്പിരിവ് നടത്തിയ എംഎസ്‌എഫ് പ്രവര്‍ത്തകനെതിരെ കൊയിലാണ്ടി പോലീസ് കേസെടുത്തു . എംഎസ്‌എഫ് കൊയിലാണ്ടി നിയോജക മണ്ഡലം…
കൊയിലാണ്ടി: കൊറോണ വൈറസ് രോഗബാധ മൂലം പ്രതിസന്ധിയിലായവരെ സഹായിക്കാനെന്ന പേരില്‍ പണപ്പിരിവ് നടത്തിയ എംഎസ്‌എഫ് പ്രവര്‍ത്തകനെതിരെ കൊയിലാണ്ടി പോലീസ് കേസെടുത്തു . എംഎസ്‌എഫ് കൊയിലാണ്ടി നിയോജക മണ്ഡലം ഭാരവാഹിയും അധ്യാപകനുമായ മുഹമ്മദ് ആസിഫിനെതിരെയാണ് പൊലീസ് കേസ് രജിസ്റ്റര്‍ ചെയ്തത്.
പത്ത് ദിവസം മുന്നെയാണ് കൊവിഡ് 19 ബാധിച്ചവരെ സഹായിക്കാനെന്ന പേരില്‍ വാട്സാപ്പ് സന്ദേശം പ്രചരിച്ചത്. സന്ദേശം തയ്യാറാക്കിയത് മുഹമ്മദ് ആസിഫിന്‍റെ നേതൃത്വത്തിലാണെന്ന് പൊലീസ് പറഞ്ഞു . സന്ദേശം പ്രചരിച്ചതിനെ തുടര്‍ന്ന് നിരവധി ആളുകള്‍ ഇയാളുടെ അക്കൗണ്ടിലേക്ക് പണമയച്ചു. എന്നാല്‍ മതിയായ രേഖകളില്ലാതെയാണ് പണപ്പിരിവ് നടത്തിയതെന്ന് തെളിഞ്ഞതോടെ പോലീസ് ഇയാള്‍ക്കെതിരെ കേസെടുക്കുകയായിരുന്നു.
ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ഈവനിംഗ്കേരളയുടേതല്ല
