ബില്ല് അടയ്ക്കാന് പണമില്ല; രോഗിയെ ആശുപത്രിയില് കെട്ടിയിട്ടതായി പരാതി
ഭോപ്പാല്: ആശുപത്രി ബില്ലടയ്ക്കാനുള്ള പണം കൈവശമില്ലാത്തതിന്റെ പേരില് വയോധികനായ രോഗിയെ ആശുപത്രി കിടക്കയില് കെട്ടിയിട്ടു. മധ്യപ്രദേശിലെ ഷാജപുരിലാണ് സംഭവം. സംഭവത്തില് മധ്യപ്രദേശ് മുഖ്യമന്ത്രി ശിവ്രാജ് സിംഗ് ചൗഹാന് അന്വേഷണത്തിന് ഉത്തരവിട്ടു.
11,000 രൂപയുടെ ബില്ലാണ് തങ്ങള്ക്ക് ലഭിച്ചതെന്ന് രോഗിയുടെ ബന്ധുക്കള് വ്യക്തമാക്കി. രോഗിയെ ആശുപത്രിയില് പ്രവേശിപ്പിക്കുന്ന സമയത്ത് തങ്ങള് 5,000 രൂപ നല്കിയെന്നും പിന്നീട് 11,000 രൂപയുടെ ബില്ല് ലഭിച്ചപ്പോള് അതിനുള്ള പണം തങ്ങളുടെ കൈവശമില്ലായിരുന്നുവെന്നും അവര് കൂട്ടിച്ചേര്ത്തു. പണമില്ലാത്തതിന്റെ പേരിലാണ് അദ്ദേഹത്തെ കെട്ടിയിട്ടതെന്നും ബന്ധുക്കള് ആരോപിച്ചു.
എന്നാല് ഇയാള് അപസ്മാര രോഗിയായിരുന്നതിനാലാണ് കെട്ടിയിട്ടതെന്നാണ് ആശുപത്രിയിലെ ഡോക്ടര് നല്കുന്ന വിശദീകരണം