എസ്.എസ്.എല്‍.സി: വിജയികളെ അഭിനന്ദിച്ച്‌ മുഖ്യമന്ത്രി
July 1, 2020
തിരുവനന്തപുരം: എസ്.എസ്.എല്‍.സി പരീക്ഷയില്‍ വിജയം നേടിയ വിദ്യാര്‍ത്ഥികളെ അഭിനന്ദിച്ച്‌ മുഖ്യമന്ത്രി പിണറായി വിജയന്‍. ഫേസ്ബുക്ക് പോസ്റ്റിലൂടെയാണ് മുഖ്യമന്ത്രി അഭിനന്ദനമറിയിച്ചത്. മികച്ച റിസള്‍ട്ടാണ് ഉണ്ടായിരിക്കുന്നത്. ഉപരിപഠനത്തിനു അര്‍ഹത നേടിയ എല്ലാവര്‍ക്കും അഭിനന്ദനങ്ങള്‍. ഉപരിപഠനത്തിനു യോഗ്യത നേടാത്തവരും, പരീക്ഷയെഴുതാന്‍ സാധിക്കാതെ പോയവരും നിരാശരാകാതെ സേ പരീക്ഷയ്ക്ക് തയ്യാറെടുക്കണമെന്നും മുഖ്യമന്ത്രി പറഞ്ഞു.
