നിരവധി പ്ര​​ത്യേകതകളുമായി ‘മവെറിക്​സ്​ പ്രോ’ സൈബർ ലോകത്തേക്ക്​

ശ്രീജിത്ത് ശ്രീധരൻ

കോഴിക്കോട്​: കോവിഡ്​-19 വൈറസും ലോക്​ഡൗണുകളും മാറ്റിമറിച്ച പുതിയ ലോകത്ത്​ കൂടുതൽ ഉപകാരപ്രദമായ ഓൺലൈൻ കമ്യൂണിക്കേഷൻ പ്ലാറ്റ്​ഫോമുമായി മാലയാളി സംരംഭകർ രംഗത്ത്​. ‘മവെറിക്​സ്​ പ്രോ’ എന്ന പേരിലുള്ള സ്​റ്റാർട്ട്​ അപ്പ്​ കമ്പനിയാണ്​ സാമൂഹിക അകലം പാലിച്ചുകൊണ്ട്​ ബിസിനസ്സ്​,വിവിധ ജോലികൾ, പഠനം തുടങ്ങിയ നിത്യജീവിതത്തിൽ ഒഴിവാക്കാനാവത്ത പ്രവർത്തികൾ എളുപ്പത്തിൽ നിർവഹിക്കാൻ സഹായിക്കുന്ന പുതിയതും മികച്ചതുമായ ‘വെർച്വൽ മീറ്റിംഗ്​ റൂം’ വികസിപ്പിച്ചിരിക്കുന്നത്​. നിലവിൽ ഉപയോഗത്തിലുള്ള ആഗോള കുത്തക കമ്പനികളുടെ ‘ഗൂഗ്​ൾ മീറ്റ്​’, ‘സൂം’ തുടങ്ങിയ ആപ്പുകളേക്കാൾ ലളിതവും സൗകര്യപ്രദവുമായ ഇതിൽ കൂടുതൽ സംവിധാനങ്ങളുമുണ്ട്​. തികച്ചും തദ്ദേശിയരായ വിദഗ്​ധരുടെ കൂട്ടായ്​മയാണ്​ ഈ പദ്ധതിക്ക്​ പിറകിലുള്ളത്​.
2020 ജൂലൈ 23 ന്​ രാവിലെ 10 മണിക്ക്​ കോഴിക്കോട്​ ഹൈലൈറ്റ്​ ബിസിനസ്സ്​ പാർക്കിൽ സയ്യിദ്​ മുനവറലി ശിഹാബ്​ തങ്ങൾ പുറത്തിറക്കുന്ന ‘മവെറിക്​സ്​ പ്രോ’ എന്ന പേരിലുള്ള ഈ എജുക്കേഷണൽ പ്ലാറ്റ്​ഫോം ആശയവിനിമയ രംഗത്ത്​ വിപ്ലവം സൃഷ്​ടിക്കുമെന്ന്​ കമ്പനിയുടെ സി.ഇ.ഒ ഡേവിഡ്​ കാർമൽ അലക്​സ്, മുഹമ്മദ്​ സാജിദ്​ (സി.എഫ്​.ഒ), സേതു ലക്ഷ്​മി (സി.ഒ.ഒ), അബ്​ദുൽ ബാസിത്​ (സി.എം.ഒ), മുഹമ്മദ്​ മുസ്​തഫ (സി.എഫ്​.ഒ)​ എന്നിവർ ഈവനിംഗ് കേരളയോട് ​ പ്രതികരിച്ചു.

വ്യക്​തികളുടെയും സ്​ഥാപനങ്ങളുടെയും ആവശ്യങ്ങൾ കണ്ടറിഞ്ഞ്​ മികച്ച സാ​േങ്കതിക വിദ്യ ഉപയോഗിച്ച്​ വികസിപ്പിച്ച കമ്യൂണിക്കേഷൻ പ്ലാറ്റ്​ഫോം ഉപയോഗിച്ച്​ ബിസിനസ്സ്​ മീറ്റിംഗുകൾ,ഓൺലൈൻ ക്ലാസുകൾ, ചർച്ചകൾ, പരിശീലന ക്ലാസുകൾ തുടങ്ങി നിരവധി കാര്യങ്ങൾ വളരെ എളുപ്പത്തിലും മികച്ച രീതിയിലും നടത്തുവാൻ കഴിയും. നിലവിലുള്ള ഓൺലൈൻ പ്ലാറ്റ്​ഫോമുകളെ അപേക്ഷിച്ച്​ ആവശ്യങ്ങൾ കണ്ടറിഞ്ഞ്​ കൂടുതൽ സംവിധാനങ്ങളോടെയാണ്ഓൺലൈൻകമ്യൂണിക്കേഷൻ പ്ലാറ്റ്ഫോം വികസിപ്പിച്ചിരിക്കുന്നത്​.
ഓൺലൈൻ ക്ലാസുകളിൽ പഠനത്തോടൊപ്പം, പരീക്ഷ നടത്തൽ, അസൈൻമെൻറുകൾ പൂർത്തിയാക്കൽ,വിദ്യാർഥികളുടെ പഠന പ്രവർത്തനങ്ങൾ നീരിക്ഷിക്കൽ, പാഠ്യഭാഗങ്ങൾ വിദ്യാർഥികൾക്ക്​ നൽകൽ, വിദ്യാർഥികളിൽ നിന്ന്​ അഭിപ്രായം സ്വരൂപിക്കൽ തുടങ്ങി നിരവധി പുതിയ പ്രവർത്തനങ്ങൾ ഇതുവഴി സുഗമമായി നടത്താവുന്നതാണ്​.  ഇതിനെല്ലാം പുറമെ ‘മവെറിക്​സ്​ പ്രോ’ വഴി വിദ്യാർഥികൾക്ക്​ സാമ്പത്തിക-വ്യാപാര-വ്യവസായ മേഖലകളെക്കുറിച്ച്​ ചുരുങ്ങിയ ചെലവിൽ ഓൺലൈൻ ക്ലാസുകളും നൽകുന്നു. നിലവിലുള്ള പഠനത്തോടൊപ്പം എളുപ്പത്തിൽ മനസ്സിലാക്കാനും പ്രായോഗികതലത്തിൽ എത്തിക്കാനും കഴിയുന്ന പാഠ്യ പദ്ധതിയാണ്​ ഇതിലൂടെ ലഭ്യമാകുക. ഈ കോഴ്​സിലുടെ വിപണികൾ, അവയുടെ പ്രവർത്തന രീതികൾ, ഓഹരി വിപണികൾ, തുടങ്ങിയ വിജയകരമായി തുടങ്ങാവുന്ന വ്യാപാര-വ്യവസായ സാധ്യതകളെക്കുറിച്ചാണ്​ വിദഗ്​ധർ പരിശീലനം നൽകുക. ഇതുവഴി വിദ്യാർഥികളെ അവർ പഠിക്കുന്ന കോഴ്​സുകൾ പൂർത്തിയാക്കുമ്പോഴേക്കും ഒരു ആത്​മവിശ്വാസമുള്ള സംരംഭകനാക്കി മാറ്റിയെടുക്കാൻ സഹായിക്കുന്നു. കോഴ്​സ്​ വഴി നിക്ഷേപ സാധ്യതകളെക്കുറിച്ചും ലാഭനഷ്​ടങ്ങളെക്കുറിച്ചുമെല്ലാം യുവാക്കളെ ബോധവാന്മാരാക്കി മികച്ച രീതിയിൽ ബിസിനസ്സുകൾ തുടങ്ങാൻ അവരെ പ്രാപ്​തരാക്കുകയും ചെയ്യും.
കോവിഡ്​ കാലം അവസാനിച്ച്​ പുതിയ ലോകക്രമത്തിൽ ജീവിതം കെട്ടിപ്പടുക്കാൻ ഇപ്പോൾതന്നെ നമ്മുടെ പുതുതലമുറയെ സജ്ജരാക്കുക എന്ന ല്യക്ഷവുമായാണ്​ ‘മവെറിക്​സ്​ പ്രോ’ യുടെ ക്ലാസുകൾ സംവിധാനം ചെയ്​തിരിക്കുന്നത്​. വിവിധ മേഖലകളിൽ വിദഗ്​ധരായ 100 ഓളം പേരാണ്​ ഈ സംരംഭത്തിന് പിറകിലുള്ളത്​. കൂടുതൽ വിവരങ്ങൾക്ക്: Mob:+91 8589967135 https://www.maverixpro.com/