സംസ്ഥാനത്ത് ഒരു കോവിഡ് മരണം കൂടി; മരിച്ചത് കോഴിക്കോട് സ്വദേശി

കോഴിക്കോട്: സംസ്ഥാനത്ത് ഇന്ന് ഒരു കോവിഡ് മരണം കൂടി റിപ്പോർട്ട് ചെയ്തു. കോഴിക്കോട് ബീ​ച്ച്‌ സ്വദേശിയായ നൗഷാദ് (49) ആണ് മരിച്ചത്. കഴിഞ്ഞ ശനിയാഴ്ചയായിരുന്നു നൗഷാദിനെ ആശുപത്രിയിൽ പ്രവേശിപ്പിച്ചത്. രോ​ഗ ഉ​റ​വി​ടം വ്യ​ക്തമ​ല്ല.

ഇന്ന് കോവിഡ് ബാധിച്ച്‌ സംസ്ഥാനത്തുണ്ടാകുന്ന രണ്ടാമത്തെ മരണമാണിത്. നേരത്തെ മഞ്ചേരി മെഡിക്കല്‍ കോളജില്‍ ചികിത്സയിലായിരുന്ന തേഞ്ഞിപ്പലം സ്വദേശി കുട്ടിഹസന്‍ (67) മരണത്തിന് കീഴടങ്ങിയിരുന്നു.ഹൃദ്രോഗിയായിരുന്ന കുട്ടിഹസനെ ജൂലൈ 25-നാണ് ആശുപത്രിയില്‍ പ്രവേശിപ്പിച്ചിരുന്നത്. ഇന്ന് പുലര്‍ച്ചെ രോഗം മൂര്‍ച്ഛിച്ച്‌ മരണം സംഭവിക്കുകയായിരുന്നു.