ഇവരാണ് ശരിക്കുള്ള ഇരട്ടസഹോദരന്മാര്‍! പ്ലസ്ടു പരീക്ഷയില്‍ പോയിന്റ് പോലും വ്യത്യാസമില്ലാതെ ഒരേ മാര്‍ക്ക്

മുംബൈ: ഖര്‍ മേഖലയിലുള്ള ജാസ്ദുബന്‍ എം.എല്‍ സ്‌കൂള്‍ വിദ്യാര്‍ഥികളാണ് ഇരട്ട സഹോദരന്‍മാരായ രാഹുലും രോഹനും. കാണാന്‍ ഒരു പോലെ ഇരിക്കുന്ന ഇരുവരെയും കൗതുകത്തോടെയായിരുന്നു സ്‌കൂളിലുള്ളവര്‍ കണ്ടുകൊണ്ടിരുന്നത്. ഇരുവര്‍ക്കും രോഗം വരുന്നതും വിശപ്പ് വരുന്നതുമൊക്കെ ഒരുമിച്ചാണ്. ഇതുപോലുള്ള ഇരട്ടകള്‍ വേറെയുണ്ടെങ്കിലും അവരില്‍ നിന്നും ഈ സഹോദരന്‍മാര്‍ വ്യത്യസ്തരാവുന്നത് മറ്റൊരു കാര്യത്തിലാണ്.

എ.എസ്.സി 12ാം ക്ലാസ് പരീക്ഷയില്‍ ഏവരെയും ഞെട്ടിച്ചുകൊണ്ട് ഇരുവരും ഒരേ മാര്‍ക്ക് നേടി. അതും ഉയര്‍ന്നമാര്‍ക്കായ 95.5 ശതമാനം. പോയിന്റ് പോലും വ്യത്യാസമില്ലാതെയാണ് ഇരുവരുടെയും നേട്ടം. രാഹുല്‍, രോഹന്‍ സഹോദരന്‍മാരുടെ അമ്മയും പരീക്ഷാ ഫലം കണ്ട് ഞെട്ടിയിരിക്കുകയാണ്. ഇവര്‍ക്കിടയില്‍ പലകാര്യങ്ങളും സമാനമായി സംഭവിക്കാറുണ്ടെങ്കിലും ഇത് തങ്ങള്‍ക്ക് പുതിയ അനുഭവമാണെന്ന് അമ്മ സോണാല്‍ ചെമ്പകസ്സെറില്‍ പറഞ്ഞു. ഇരുവരും പഠിക്കുന്നതും റിവിഷന്‍ ചെയ്യുന്നതുമൊക്കെ ഒരുമിച്ചാണെന്നും സോണാല്‍ വ്യക്തമാക്കി.

ഇവിടെ പോസ്റ്റു ചെയ്യുന്ന അഭിപ്രായങ്ങൾ ഈവനിംഗ് കേരളയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

Leave a Reply

Your email address will not be published. Required fields are marked *