എസ് ഡിപിഐ കണ്ണൂര്‍ കോര്‍പറേഷനിലെ 25 ഡിവിഷനുകളില്‍ മല്‍സരിക്കും
October 30, 2020
കണ്ണൂര്‍ കോര്‍പറേഷനിലെ 25 ഡിവഷനുകളില്‍ സ്ഥാനാര്‍ഥി ലിസ്റ്റ് തയ്യാറായതായി എസ് ഡിപിഐ കണ്ണൂര്‍ കോര്‍പറേഷന്‍ തിരഞ്ഞെടുപ്പ് കമ്മിറ്റി ഭാരവാഹികള്‍ അറിയിച്ചു. കോര്‍പറേഷന്‍ ഓഫിസ് കേന്ദ്രീകരിച്ച് കഴിഞ്ഞ അഞ്ചുവര്‍ഷം പരസ്പരം അധികാര വടംവലി നടത്തുക മാത്രമാണ് ഇടതു-വലതു മുന്നണികള്‍ ചെയ്തുകൊണ്ടിരുന്നതെന്നു എസ് ഡിപിഐ കുറ്റപ്പെടുത്തി. യോഗത്തില്‍ കണ്ണൂര്‍ മണ്ഡലം പ്രസിഡന്റ് ബി ഷംസുദ്ദീന്‍ മൗലവി അധ്യക്ഷത വഹിച്ചു. കണ്ണൂര്‍ കോര്‍പറേഷന്‍ തിരഞ്ഞെടുപ്പ് കമ്മിറ്റി കണ്‍വീനര്‍ ഇക്ബാല്‍ പൂക്കുണ്ടില്‍, ആസാദ് സിറ്റി, ഫാറൂഖ് കക്കാട്, മുസാഫിര്‍ സംസാരിച്ചു.
