നടന് വിനോദ് കോവൂരിന്റെ ലൈസന്‍സ് പുതുക്കിയത് വ്യാജമായി ; പിന്നിൽ കോഴിക്കോട്ട് കോവൂര്‍ നസീറ ഡ്രൈവിങ് സ്കൂള്‍ അധികൃതര്‍" പുലിവാല്‍പിടിച്ചത് നടൻ
ശ്രീജിത്ത് ശ്രീധരൻ കോഴിക്കോട് മോട്ടോര്‍ വെഹിക്കിള്‍ ഇന്‍സ്പെക്ടറുടെ പാസ് വേര്‍ഡ് ചോര്‍ത്തി ഡ്രൈവിംഗ് ലൈസന്‍സ് പുതുക്കി നല്‍കാന്‍ ശ്രമം. സിനിമാ താരം വിനോദ് കോവൂരിന്റെ ലൈസന്‍സാണ് മോട്ടോര്‍…
ശ്രീജിത്ത് ശ്രീധരൻ കോഴിക്കോട് മോട്ടോര്‍ വെഹിക്കിള്‍ ഇന്‍സ്പെക്ടറുടെ പാസ് വേര്‍ഡ് ചോര്‍ത്തി ഡ്രൈവിംഗ് ലൈസന്‍സ് പുതുക്കി നല്‍കാന്‍ ശ്രമം. സിനിമാ താരം വിനോദ് കോവൂരിന്റെ ലൈസന്‍സാണ് മോട്ടോര്‍…
ശ്രീജിത്ത് ശ്രീധരൻ
കോഴിക്കോട് മോട്ടോര്‍ വെഹിക്കിള്‍ ഇന്‍സ്പെക്ടറുടെ പാസ് വേര്‍ഡ് ചോര്‍ത്തി ഡ്രൈവിംഗ് ലൈസന്‍സ് പുതുക്കി നല്‍കാന്‍ ശ്രമം. സിനിമാ താരം വിനോദ് കോവൂരിന്റെ ലൈസന്‍സാണ് മോട്ടോര്‍ വാഹന വകുപ്പ് ഉദ്യോഗസ്ഥരറിയാതെ പുതുക്കി നല്‍കാന്‍ ശ്രമിച്ചത്. സംഭവം ഇങ്ങനെ ..
2019ല്‍ കാലാവധി അവസാനിച്ച ത‍ന്റെ ഡ്രൈവിങ് ലൈസന്‍സ് പുതുക്കാന്‍ വിനോദ് വീടിനടുത്തുള്ള കോവൂര്‍ നസീറ ഡ്രൈവിങ് സ്കൂളില്‍ ഏല്‍പിക്കുന്നു. കാലാവധി കഴിഞ്ഞ് ഒരുവര്‍ഷമായതിനാല്‍ റോഡ് ടെസ്റ്റ് ഉള്‍പ്പെടെ നടപടിക്രമം വേണമെന്ന് പറഞ്ഞ സ്കൂള്‍ അധികൃതര്‍ 6300 രൂപ ഫീസും വാങ്ങി. ലൈസന്‍സ് ഉടന്‍ ശരിയാക്കാം എന്ന അറിയിപ്പും കിട്ടി. പിന്നാലെ വിനോദ് ഷൂട്ടിങ് തിരക്കില്‍ കൊച്ചിയിലായി. ഇതിനിടെയാണ് നടനെ ഞെട്ടിച്ചുള്ള ട്വിസ്റ്റ് വന്നത്. ഒരുദിവസം രാവിലെ കോഴിക്കോട് സൈബര്‍ സെല്ലില്‍നിന്ന് ഫോണില്‍ വിളിച്ചിട്ട്, വിനോദല്ലെ? താങ്കളുടെ ലൈസന്‍സ് വ്യാജമായി പുതുക്കിയിട്ടുണ്ടല്ലോ… എന്ന്ചോദിക്കുകയായിരുന്നു. ലൈസന്‍സ് പുതുക്കാന്‍ നല്‍കിയെന്നല്ലാതെ തനിക്കൊന്നും അറിയില്ലെന്ന് പറഞ്ഞതോടെ സംഭവകഥ ഉദ്യോഗസ്ഥര്‍ വിശദീകരിച്ചു.
കോവൂര്‍ നസീറ ഡ്രൈവിങ് സ്കൂള്‍ അധികൃതര്‍ 'സാരഥി' വെബ്സൈറ്റില്‍ കയറി മോട്ടോര്‍ വെഹിക്കിള്‍ ഇന്‍സ്പെക്ടര്‍ പി.വി. രതീഷി‍ന്റെ യൂസര്‍ നെയിമും പാസ്വേര്‍ഡും ഉപയോഗിച്ച്‌ അദ്ദേഹം അറിയാതെ ലോഗിന്‍ ചെയ്ത് വിനോദി‍ന്റെ ലൈസന്‍സ് പുതുക്കുകയായിരുന്നുവത്രെ. മാര്‍ച്ച്‌ ഒന്നിനാണ് സംഭവം. രാത്രി എട്ടിനും 8.40നും ഇടയിലാണ് ലോഗിന്‍ ചെയ്ത് ലൈസന്‍സ് പുതുക്കിയത്. നാലുതവണ ലോഗിന്‍ ചെയ്തെന്ന് രതീഷിന് മൊബൈലില്‍ സന്ദേശം ലഭിച്ചതോടെ സംശയം തോന്നി അദ്ദേഹം ആര്‍.ടി.ഒക്ക് പരാതി നല്‍കി. ആര്‍.ടി.ഒയുടെ അന്വേഷണത്തില്‍ തട്ടിപ്പ് കണ്ടെത്തുകയും വിനോദ് കോവൂരിന്റെ ലൈസന്‍സാണ് പുതുക്കിയതെന്ന് വ്യക്തമാവുകയും ചെയ്തു. ഇതോടെ ആര്‍.ടി.ഒ പരാതി സൈബര്‍ സെല്ലിന് കൈമാറി. അവരുടെ ശാസ്ത്രീയ അന്വേഷണത്തില്‍ നസീറ ഡ്രൈവിങ് സ്കൂളി‍ന്റെ ഐ.പിയിലൂടെയാണ് വെബ്സൈറ്റില്‍ കയറിയതെന്ന് കണ്ടെത്തുകയും പൊലീസ് ഡ്രൈവിങ് സ്കൂളിലെത്തി ഹാര്‍ഡ് ഡിസ്കും മോഡവും ഉള്‍പ്പെടെ പിടിച്ചെടുക്കുകയും ചെയ്തു. ഹാര്‍ഡ് ഡിസ്ക്കിലെ വിവരങ്ങള്‍ ഡിലീറ്റാക്കിയതിനാല്‍ ഇവ വീണ്ടെടുക്കാന്‍ ഫോറന്‍സിക് പരിശോധനക്ക് അയച്ചിരിക്കുകയാണ്. ഇതി‍െന്‍റ റിപ്പോര്‍ട്ട് ലഭിച്ചശേഷമാവും തുടര്‍നടപടി.
ഡ്രൈവിങ്ങ് ലൈസന്‍സ് എന്ന സിനിമയില്‍ പ്രധാന നടന് സംഭവിച്ചതിനേക്കാൾ വലിയ പുലിവാലാണ് വിനോദ് കോവൂരിന്റെ കാര്യത്തില്‍ സംഭവിച്ചിട്ടുള്ളത്. ഇപ്പോള്‍ ലൈസന്‍സ് ഇല്ലാത്ത അവസ്ഥയാണ് ഉള്ളത് കേസ് കഴിയുന്നവരെ ഡ്രൈവറെ വെച്ച് വാഹനം ഓടിക്കാൻ ആണ് വിനോദിന് ലഭിച്ച ഉപദേശം. കാലതാമസമുണ്ടാവുമെന്നതിനാല്‍ അതുവരെ താല്‍ക്കാലിക ലൈസന്‍സ് ലഭിക്കുമോ എന്നറിയാന്‍ അടുത്തദിവസം ആര്‍.ടി.ഒയെ സമീപിക്കുമെന്ന് വിനോദ് ഈവനിംഗ് കേരളന്യൂസിനോട് പറഞ്ഞു.
ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ഈവനിംഗ്കേരളയുടേതല്ല