യൂറോപ്പിന്റെ ജേതാക്കളെ അറിയാന്‍ ഇനി ഒരു മത്സരം മാത്രം ഫൈനലിൽ ഇറ്റലിയും ഇംഗ്ലണ്ടും ഏറ്റുമുട്ടും ; വെംബ്ലിയില്‍ ചരിത്രമെഴുതി ഇംഗ്ലണ്ട്
ലണ്ടന്‍: യൂറോ കപ്പ് ഫൈനലില്‍ ആദ്യമായി ഇംഗ്ലണ്ട് ബൂട്ടണിയും. ഡെന്മാര്ക്കിനെ വീഴ്ത്തിയാണ് ഇംഗ്ലണ്ട് യൂറോ കപ്പിന്റെ ചരിത്രത്തിലാദ്യമായി ഫൈനലില്‍ എത്തിയത്. അധിക സമയത്തേക്കു നീണ്ട രണ്ടാം സെമിയില്‍…
ലണ്ടന്‍: യൂറോ കപ്പ് ഫൈനലില്‍ ആദ്യമായി ഇംഗ്ലണ്ട് ബൂട്ടണിയും. ഡെന്മാര്ക്കിനെ വീഴ്ത്തിയാണ് ഇംഗ്ലണ്ട് യൂറോ കപ്പിന്റെ ചരിത്രത്തിലാദ്യമായി ഫൈനലില്‍ എത്തിയത്. അധിക സമയത്തേക്കു നീണ്ട രണ്ടാം സെമിയില്‍…
ലണ്ടന്‍: യൂറോ കപ്പ് ഫൈനലില്‍ ആദ്യമായി ഇംഗ്ലണ്ട് ബൂട്ടണിയും. ഡെന്മാര്ക്കിനെ വീഴ്ത്തിയാണ് ഇംഗ്ലണ്ട് യൂറോ കപ്പിന്റെ ചരിത്രത്തിലാദ്യമായി ഫൈനലില്‍ എത്തിയത്. അധിക സമയത്തേക്കു നീണ്ട രണ്ടാം സെമിയില്‍ ഡെന്മാര്ക്കിനെ ഒന്നിനെതിരെ രണ്ടു ഗോളുകള്‍ക്ക് വീഴ്ത്തിയാണ് ഹാരി കെയ്നും സംഘവും പതിറ്റാണ്ടുകളായുള്ള നാടിെന്‍റ കാത്തിരിപ്പിന് സാഫല്യമേകി യൂറോ ഫൈനല്‍ ബര്‍ത്ത് ഉറപ്പാക്കിയത്.
ആദ്യം ഗോളടിച്ച്‌ മുന്നില്‍നിന്ന ഡെന്മാര്ക്ക് പിന്നീട് ക്യാപ്റ്റന്റെ ബൂട്ടില്‍നിന്ന് സ്വന്തം പോസ്റ്റില്‍ നിറയൊഴിച്ച്‌ സമനില നല്‍കുകയും അധിക സമയത്ത് ഹാരി കെയ്ന്റെ ഗോളില്‍ പരാജയം സമ്മതിക്കുകയുമായിരുന്നു.
30ാം മിനിറ്റില്‍ ഇളമുറ താരം ഡാംസ്ഗാര്‍ഡിലൂടെ ഡെന്മാര്ക്ക് ആണ് ആദ്യ ഗോള്‍ നേടിയത്. ഒന്നാം പകുതി പിരിയാന്‍ അഞ്ചു മിനിറ്റ് ബാക്കിനില്‍ക്കെ ബുകായോ സാക റഹീം സ്റ്റെര്‍ലിങ്ങിന് പാകത്തില്‍ നല്‍കിയ ക്രോസിന് കാല്‍വെച്ചത് പക്ഷേ, ഡാനിഷ് ക്യാപ്റ്റന്‍ സിമോണ്‍ കെയര്‍ തട്ടിയകറ്റിയത് ഷ്മിഷേലിനെയും കടന്ന് സ്വന്തം വലയില്‍. സ്കോര്‍ 1-1.
രണ്ടാം പകുതിയില്‍ ഗോളുകള്‍ ഇരു ടീമിനും നേടാനായില്ല. അധിക സമയത്തെ ഹാരി കെയ്ന്‍ ഗോളിലാണ് ഇംഗ്ലണ്ട് വിജയമുറപ്പിച്ചത്. റഹീം സ്റ്റെര്‍ലിങ്ങിനെ ജൊആകിം മീഹല്‍ വീഴ്ത്തിയതിന് ലഭിച്ച പെനാല്‍റ്റി തടുത്തിട്ട് ഷ്മിഷേല്‍ ശ്രമം നടത്തിയെങ്കിലും റീബൗണ്ടില്‍ കെയ്ന്‍ കാലുവെച്ച്‌ വല കുലുക്കി.ഞായറാഴ്ചയാണ് യൂറോ കപ്പിന്റെ കലാശ പോരാട്ടം. അന്ന് ഇംഗ്ലണ്ട്, അയല്‍ക്കാരായ ഇറ്റലിയെ നേരിടും.
ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ഈവനിംഗ്കേരളയുടേതല്ല
