ഇടിക്കൂട്ടില്‍ മെഡലുറപ്പിച്ച് ഇന്ത്യ; ബോക്‌സിംഗില്‍ ലവ്‌ലിന സെമിയില്‍
July 30, 2021
ടോക്കിയോ: ടോക്കിയോ ഒളിംപിക്‌സില്‍ ഇന്ത്യ രണ്ടാമത്തെ മെഡല്‍ ഉറപ്പിച്ചു. ബോക്‌സിംഗില്‍ ലവ്‌ലിനയാണ് ഇന്ത്യയ്ക്ക് വേണ്ടി മെഡല്‍ ഉറപ്പിച്ചത്.69 കിലോ വിഭാഗത്തില്‍ സെമിയിലെത്തിയ ലവ്‌ലിനയുടെ ആദ്യ ഒളിംപിക്‌സാണിത്. ക്വാര്‍ട്ടറില്‍ ചൈനീസ് തായ്‌പേയുടെ നിന്‍ ചിന്‍ ചെന്നിനേയാണ് ലവ്‌ലിന തോല്‍പ്പിച്ചത്. സ്‌കോര്‍ 4-1.23 കാരിയായ ലവ്‌ലിന അസം സ്വദേശിയാണ്. ബോക്‌സിംഗില്‍ ഇന്ത്യ മൂന്നാം തവണയാണ് ഒളിംപിക്‌സ് മെഡല്‍ നേടുന്നത്.2008 ല്‍ വിജേന്ദര്‍ സിംഗും 2012 ല്‍ മേരി കോമും ഇന്ത്യയ്ക്കായി മെഡല്‍ നേടിയിരുന്നു.
