വിദ്യാര്‍ത്ഥിയെ ജാതിപ്പേര് വിളിച്ച് അധിക്ഷേപിച്ച് മലദ്വാരത്തില്‍ ഇരുമ്പ് ദണ്ഡ് കടത്തി പ്രകൃതിവിരുദ്ധ പീഡനത്തിന് ഇരയാക്കി
June 17, 2018ഗാസിയാബാദ് (ഉത്തര്‍പ്രദേശ്): പതിനേഴുകാരനായ വിദ്യാര്‍ത്ഥിയെ അഞ്ച് പേര്‍ ചേര്‍ന്ന് മലദ്വാരത്തില്‍ ഇരുമ്പ് ദണ്ഡ് കടത്തുകയും പ്രകൃതിവിരുദ്ധ പീഡനത്തിനിരയാക്കുകയും ചെയ്തു. ഉത്തര്‍പ്രദേശിലെ ഗാസിയാബാദ് ജില്ലയിലെ മോദിനഗറില്‍ വ്യാഴാഴ്ചയാണ് സംഭവം.
തകരാറായ മോട്ടോര്‍ ബൈക്ക് ശരിയാക്കുന്നതിനായി വര്‍ക്ക് ഷോപ്പില്‍ നല്‍കി തിരിച്ച് വരുന്നതിനിടെയാണ് സംഭവം. അഞ്ച് പേര്‍ ചേര്‍ന്ന് ഒരു കടമുറിയിലേക്ക് ഇയാളെ ബലം പ്രയോഗിച്ച് കൊണ്ടുപോകുകയും അവിടെവച്ച് പ്രകൃതിവിരുദ്ധ പീഡനത്തിനിരയാക്കുകയായിരുന്നെന്ന് എസ്.പി വൈഭവ് കൃഷ്ണ പറഞ്ഞു. മലദ്വാരത്തില്‍ ഇരുമ്പ്് ദണ്ഡ് കയറ്റിയ പ്രതികള്‍ ഇതിന്റെ രംഗങ്ങള്‍ മൊബൈല്‍ ഫോണില്‍ ചിത്രീകരിച്ചുവെന്നും അദ്ദേഹം കൂട്ടിച്ചേര്‍ത്തു.
കുട്ടിയുടെ കൈയില്‍ ഉണ്ടായിരുന്ന 1,600രൂപ അക്രമികള്‍ തട്ടിയെടുക്കുകയും സംഭവത്തിനിടെ ജാതിപ്പേര് വിളിച്ച് അധിക്ഷേപിച്ചതായും കുട്ടിയുടെ പിതാവ് നല്‍കിയ പരാതിയില്‍ പറയുന്നു. സംഭവത്തില്‍ പോക്‌സോ അടക്കം വിവിധ വകുപ്പുകള്‍ ചേര്‍ത്ത് കേസ് രജിസ്റ്റര്‍ ചെയ്തിട്ടുണ്ടെന്ന് പൊലീസ് അറിയിച്ചു.
