ആ​തി​ഥേ​യ​ർ​ക്ക് ഇന്ന് അ​ഗ്നി​പ​രീ​ക്ഷ ; ച​രി​ത്ര​ത്തി​ലാ​ദ്യ​മാ​യി ലോ​ക​ക​പ്പ് ക​ളി​ക്കാ​നി​റ​ങ്ങി ഖ​ത്ത​ർ

ച​രി​ത്ര​ത്തി​ലാ​ദ്യ​മാ​യി ലോ​ക​ക​പ്പ് ക​ളി​ക്കാ​നി​റ​ങ്ങു​ക​യാ​ണ് ഖ​ത്ത​ർ. ആ​തി​ഥേ​യ​രാ​യ​തു​കൊ​ണ്ടു മാ​ത്രം കി​ട്ടി​യ അ​വ​കാ​ശ​മ​ല്ലെ​ന്നു തെ​ളി​യി​ക്കേണ്ടിരിക്കുന്നു . ദ​ക്ഷി​ണാ​ഫ്രി​ക്ക​യ്ക്കു ശേ​ഷം, ആ​ദ്യ റൗ​ണ്ട് ക​ട​ക്കാ​തെ പു​റ​ത്താ​കു​ന്ന ആ​തി​ഥേ​യ​ർ എ​ന്ന നാ​ണ​ക്കേ​ട് ഒ​ഴി​വാ​ക്കു​ക​യും വേ​ണം. ഉ​ദ്ഘാ​ട​ന മ​ത്സ​ര​ത്തി​ൽ ജ​യി​ക്കു​ന്ന ആ​ദ്യ അ​ര​ങ്ങേ​റ്റ​ക്കാ​രെ​ന്ന സ്വ​പ്ന​വും ഖ​ത്ത​റിന് മു​ന്നി​ലു​ണ്ട്.

എ ​ഗ്രൂ​പ്പി​ൽ കി​ട്ടാ​വു​ന്ന ഏ​റ്റ​വും ചെ​റി​യ എ​തി​രാ​ളി​ക​ളാ​ണ് ആ​ദ്യ മ​ത്സ​ര​ത്തി​ൽ ഖ​ത്ത​റി​നു മു​ന്നി​ലെ​ത്തു​ന്ന​ത് - ലാ​റ്റി​ന​മെ​രി​ക്ക​ൻ പ്ര​തി​നി​ധി​ക​ളാ​യ ഇ​ക്വ​ഡോ​ർ. വ​രാ​നി​രി​ക്കു​ന്ന​ത് താ​ര​ത​മ്യേ​ന കൂ​ടു​ത​ൽ ക​രു​ത്ത​രാ​യ സെ​ന​ഗ​ലി​നും നെ​ത​ർ​ല​ൻ​ഡ്സി​നു​മെ​തി​രാ​യ മ​ത്സ​ര​ങ്ങ​ൾ. സെ​ന​ഗ​ൽ ആ​ഫ്രി​ക്ക​ൻ ചാം​പ്യ​ൻ​മാ​രാ​ണെ​ങ്കി​ൽ, നെ​ത​ർ​ല​ൻ​ഡ്സ് 2010ലെ ​ലോ​ക​ക​പ്പ് ഫൈ​ന​ലി​സ്റ്റു​ക​ളാ​ണ്. ഖ​ത്ത​രാ​ക​ട്ടെ, ലോ​ക റാ​ങ്കി​ങ്ങി​ൽ 50ാം റാ​ങ്ക് മാ​ത്ര​മു​ള്ള ടീ​മും.

എ​ട്ടു വ​ർ​ഷ​​ത്തെ ഇ​​ട​​വേ​​ള​​യ്ക്കു ശേ​ഷ​മാ​ണ് ഇ​ക്വ​ഡോ​ർ ലോ​ക​ക​പ്പ് ക​ളി​ക്കാ​നെ​ത്തു​ന്ന​ത്. അ​വ​ർ​ക്കു മു​ന്നി​ൽ മ​ധ്യേ​ഷ്യ​യി​ലെ​ങ്കി​ലും ഏ​റ്റ​വും മി​ക​ച്ച​വ​രാ​ണു ത​ങ്ങ​ളെ​ന്നു തെ​ളി​യി​ക്ക​ണം ഖ​ത്ത​റി​ന്. ഗ്വാ​​ട്ടി​​മാ​​ല, ഹോ​​ണ്ടു​​റാ​​സ്, പ​​നാ​​മ, അ​​ൽ​​ബേ​​നി​​യ എ​​ന്നി​​വ​​ർ​​ക്കെ​​തി​രാ​യ സ​​ന്നാ​​ഹ മ​​ത്സ​​ര​​ങ്ങ​​ളി​​ൽ നേ​ടി​യ വി​ജ​യം അ​വ​ർ​ക്കു ചെ​റു​ത​ല്ലാ​ത്ത ആ​ത്മ​വി​ശ്വാ​സം പ​ക​രു​ന്നു.

2019ൽ ​കോ​​പ്പ അ​​മെ​​രി​​ക്ക​യും, 2021ൽ ​കോ​​ൺ​​ക​​കാ​​ഫ് ഗോ​​ൾ​​ഡ് ക​​പ്പ‌ി​ലും ക​ളി​ച്ച് അ​ന്താ​രാ​ഷ്ട്ര മ​ത്സ​ര​പ​രി​ച​യം കൂ​ടി നേ​ടി​യാ​ണ് ഖ​ത്ത​ർ ലോ​ക​ക​പ്പി​നാ​യി ത​യാ​റെ​ടു​പ്പ് ന​ട​ത്തി​യ​ത്. 2019ലെ ​​ഏ​​ഷ്യ​​ൻ ക​​പ്പി​​ലെ ജേ​താ​ക്ക​ളു​മാ​യി. 2002, 2006, 2014 വ​​ർ​​ഷ​​ങ്ങ​​ളി​​ൽ ലോ​​ക​ക​പ്പ് ക​ളി​ച്ച ഇ​ക്വ​ഡോ​ർ ഒ​രി​ക്ക​ൽ മാ​ത്ര​മാ​ണ് ഗ്രൂ​പ്പ് ഘ​ട്ടം മ​റി​ക​ട​ന്നി​ട്ടു​ള്ള​ത്.

Sreejith Sreedharan (Evening Kerala News )