ഇന്നത്തെ ത്രിപുര നാളത്തെ കേരളം -ബി.ജെ.പി

കോഴിക്കോട്: ഇന്നത്തെ ത്രിപുരയാണ് നാളത്തെ കേരളമെന്ന് ബി.ജെ.പി. ത്രിപുരയുൾപ്പെടെ മൂന്ന് വടക്കു കിഴക്കൻ സംസ്ഥാനങ്ങളിലെ നിയമസഭ തെരഞ്ഞെടുപ്പ് ഫലത്തിന് പിന്നാലെയാണ് പ്രതികരണം.

താമര കുമ്പിളിൽ വടക്കു കിഴക്കൻ സംസ്‌ഥാനങ്ങൾ സുരക്ഷിതമാണെന്നും ത്രിപുരയിൽ സി.പി.എം-കോൺഗ്രസ്‌ സഖ്യം തകർന്നടിഞ്ഞ് മിച്ചമുണ്ടായിരുന്ന കനലും മണ്ണുതൊടുകയാണെന്നും ബി.ജെ.പി ഫേസ്ബുക് പോസ്റ്റിൽ പറഞ്ഞു.

ത്രിപുരയിലും നാഗാലാൻഡിലും ബി.ജെ.പി അധികാരം ഉറപ്പിച്ചുകഴിഞ്ഞു. ത്രിപുരയിൽ ഇടത്-കോൺഗ്രസ് സഖ്യത്തെ പരാജയപ്പെടുത്തിയാണ് ബി.ജെ.പി അധികാരം നിലനിർത്തിയത്. മേഘാലയയിലും മെച്ചപ്പെട്ട പ്രകടനമാണ് ബി.ജെ.പി കാഴ്ചവെച്ചത്. ബി.ജെ.പിയുടെ സഖ്യകക്ഷിയായ എൻ.പി.പിയാണ് ഇവിടെ ഏറ്റവും വലിയ ഒറ്റക്കക്ഷി.