ആനത്തലവട്ടം ആനന്ദന്റെ സംസ്കാരം ഔദ്യോഗിക  ബഹുമതികളോടെ ശാന്തി കവാടത്തിൽ നടന്നു

തിരുവനന്തപുരം: സി പി എം നേതാവും സി ഐ ടി യു സംസ്ഥാന പ്രസിഡന്റുമായ ആനത്തലവട്ടം ആനന്ദൻ (86) ഇനി ഓർമ. മൃതദേഹം ഔദ്യോഗിക ബഹുമതികളോടെ തിരുവനന്തപുരം ശാന്തി കവാടത്തിൽ സംസ്കരിച്ചു. എ കെ ജി സെന്ററിലും മാഞ്ഞാലിക്കുളം റോഡിലെ സി ഐ ടി യു ഓഫീസിലും മൃതദേഹം പൊതുദർശനത്തിന് വച്ചിരുന്നു. നിരവധി പേരാണ് ആനത്തലവട്ടം ആനന്ദന് ആദരാ‌‌ഞ്ജലികൾ അർപ്പിക്കാനായി എത്തിയത്.

ഇന്നലെ വൈകിട്ട് 5.10നായിരുന്നു അന്ത്യം. നിലവിൽ സി.ഐ.ടി.യു ദേശീയ വൈസ് പ്രസിഡന്റുമായിരുന്നു. അർബുദ ബാധിതനായ അദ്ദേഹം രണ്ടാഴ്ചയായി തിരുവനന്തപുരം മെഡിക്കൽ കോളേജിലെ മൾട്ടി സ്പെഷ്യാലിറ്റിയിൽ ചികിത്സയിലായിരുന്നു.