എയർപോർട്ട് അതോറിറ്റി ലോജിസ്റ്റിക്സ് കമ്പനിയിൽ സെക്യൂരിറ്റി സ്ക്രീനർ ഒഴിവ്

എയർപോർട്ട് അതോറിറ്റി ഓഫ് ഇന്ത്യയുടെ (AAI) കാർഗോ ലോജിസ്റ്റിക്സ് ആൻഡ് അ​ലൈഡ് സർവിസസ് കമ്പനി ലിമിറ്റഡിലേക്ക് സെക്യൂരിറ്റി സ്​ക്രീനർ (ഫ്രഷ്) തസ്തികയിൽ നിയമനത്തിന് അപേക്ഷ ക്ഷണിച്ചു. കരാർ അടിസ്ഥാനത്തിൽ മൂന്നു വർഷത്തേക്കാണ് നിയമനം.

ചെന്നൈ, ഗോവ, കോഴിക്കോട്, ട്രിച്ചി, മധുര, തിരുപ്പതി, പുണെ, ഇന്ദോർ, പാറ്റ്, വാരാണസി, റായ്പുർ, ഭുവനേശ്വർ, വ​​​ഡോദര, ശ്രീനഗർ, കൊൽക്കത്ത, വിശാഖപട്ടണം തുടങ്ങിയ 23 വിമാനത്താവളത്തിലെ കാർഗോ വിഭാഗത്തിലാണ് തൊഴിലവസരം. ആകെ 906 ഒഴിവുകളുണ്ട്. തിരഞ്ഞെടുക്കുന്നവർ ഇന്ത്യയിലെവിടെയും ജോലി ചെയ്യാൻ ബാധ്യസ്ഥമാണ്.

ഭാരതപൗരന്മാർക്ക് അപേക്ഷിക്കാം. യോഗ്യത: 60 ശതമാനം മാർക്കിൽ കുറയാതെയുള്ള അംഗീകൃത സർവകലാശാല ബിരുദം. പട്ടികജാതി/വർഗ വിഭാഗങ്ങൾക്ക് 55 ശതമാനം മാർക്ക് മതി. ഇംഗ്ലീഷ്, ഹിന്ദി ഭാഷകളിൽ വായിക്കാനും സംസാരിക്കാനും കഴിവുള്ളവരാകണം. പ്രാദേശിക ഭാഷാപരിജ്ഞാനം വേണം. പ്രായപരിധി 1.11.2023ൽ 27.

വിശദവിവരങ്ങളടങ്ങിയ റിക്രൂട്ട്മെന്റ് വിജ്ഞാപനം www.aaiclas.aero/career ലിങ്കിലുണ്ട്. അപേക്ഷഫീസ് 750 രൂപ. SC/ST/EWS/വനിതകൾ എന്നീ വിഭാഗങ്ങളിൽപെടുന്നവർക്ക് 100 രൂപ മതി. നിർദേശാനുസരണം ഓൺലൈനായി ഡിസംബർ എട്ടിന് വൈകീട്ട് അഞ്ചു മണി വരെ അപേക്ഷ സമർപ്പിക്കാം.