കിറ്റെക്സ് ഗാര്‍മെന്‍റ്സിന്‍റെ മൊത്ത വരുമാനം 20 ശതമാനമായി ഉയര്‍ന്ന് 181 കോടിയിലെത്തി
കൊച്ചി: പ്രമുഖ വസ്ത്ര വ്യാപര ശൃംഖലയായ കിറ്റെക്സ് ഗാര്‍മെന്‍റ്സിന്‍റെ മൊത്ത വരുമാനം 20 ശതമാനമായി ഉയര്‍ന്ന് 181 കോടിയിലെത്തി. കഴിഞ്ഞ വര്‍ഷം ഇതേ കാലയളവില്‍ 151 കോടിയായിരുന്നു…
By : Editor
Update: 2018-11-11 06:40 GMT
കൊച്ചി: പ്രമുഖ വസ്ത്ര വ്യാപര ശൃംഖലയായ കിറ്റെക്സ് ഗാര്‍മെന്‍റ്സിന്‍റെ മൊത്ത വരുമാനം 20 ശതമാനമായി ഉയര്‍ന്ന് 181 കോടിയിലെത്തി. കഴിഞ്ഞ വര്‍ഷം ഇതേ കാലയളവില്‍ 151 കോടിയായിരുന്നു മൊത്ത വരുമാനം. ഇതോടൊപ്പം അറ്റാദയത്തില്‍ 8.38 ശതമാനം വളര്‍ച്ചയോടെ 26.5 കോടിയിലെത്തി. കഴിഞ്ഞ വര്‍ഷം ഇതേകാലയളവില്‍ 24.12 കോടിയായിരുന്നു.
കമ്പനിയുടെ പ്രതി ഓഹരി 3.93 രൂപയായി വര്‍ധിച്ചു.ڔകഴിഞ്ഞ വര്‍ഷം ഇതേകാലയളവില്‍ 3.63 രൂപയാണ് രേഖപ്പെടുത്തിയിരുന്നത്. കമ്പനി അര്‍ധവര്‍ഷമ്പിന്നിടുമ്പോള്‍ മൊത്ത വരുമാനം 11.1 ശതമാനമായി ഉയര്‍ന്ന് 313 കോടിയിലെത്തി. കഴിഞ്ഞ അര്‍ധ വര്‍ഷം ഇതേ കാലയളവില്‍ 282 കോടിയായിരുന്നു.അനുകൂലമായ ഫലം കൈവരിക്കാന്‍ സാധിച്ചതില്‍ ഞങ്ങള്‍ അതീവ സന്തുഷ്ടരാണെന്ന് കിറ്റെക്സ് എം.ഡിയും സി.ഇ.ഒ യുമായ സാബു. എം ജേക്കബ് പറഞ്ഞു.
