അഞ്ച് ക്യാമറയുള്ള നോക്കിയ 9 പ്യുര്‍ വ്യൂ ഇന്ത്യയിലേക്ക്
ബാക്കില്‍ അഞ്ച് ക്യാമറകള്‍ എന്നതാണ് ഈ മോഡലിന്റെ പ്രധാന ആകര്‍ഷണം. ഈ മോഡല്‍ ഈ മാസം ഇന്ത്യന്‍ മാര്‍ക്കറ്റുകളിലെത്തും ഫ്ളിപ്പ്കാര്‍ട്ട്, നോക്കിയയുടെ ഒഫീഷ്യല്‍ സൈറ്റ് എന്നിവയിലൂടെയാണ് വില്‍പ്പന.…
ബാക്കില്‍ അഞ്ച് ക്യാമറകള്‍ എന്നതാണ് ഈ മോഡലിന്റെ പ്രധാന ആകര്‍ഷണം.
ഈ മോഡല്‍ ഈ മാസം ഇന്ത്യന്‍ മാര്‍ക്കറ്റുകളിലെത്തും
ഫ്ളിപ്പ്കാര്‍ട്ട്, നോക്കിയയുടെ ഒഫീഷ്യല്‍ സൈറ്റ് എന്നിവയിലൂടെയാണ് വില്‍പ്പന. ജൂലൈ പതിനേഴ് മുതല്‍ മോഡല്‍ സ്വന്തമാക്കാം
നോക്കിയ ഈ വര്‍ഷം പുറത്തിറക്കിയ ശ്രദ്ധേയമായ സ്മാര്‍ട്ട്‌ഫോണ്‍ മോഡലായിരുന്നു നോക്കിയ 9 പ്യുര്‍ വ്യു. ബാക്കില്‍ അഞ്ച് ക്യാമറകള്‍ എന്നതാണ് ഈ മോഡലിന്റെ പ്രധാന ആകര്‍ഷണം. ഫെബ്രുവരിയില്‍ അവതരിപ്പിച്ച മോഡല്‍ ഈ മാസം ഇന്ത്യന്‍ മാര്‍ക്കറ്റുകളിലെത്തും. 49,999 രൂപയാണ് മോഡലിന്റെ ഇന്ത്യയിലെ വില. അതായത് ഈ മോഡല്‍ സ്വന്തമാക്കാന്‍ അരക്ഷം രൂപ കൊടുക്കണം. ഫ്ളിപ്പ്കാര്‍ട്ട്, നോക്കിയയുടെ ഒഫീഷ്യല്‍ സൈറ്റ് എന്നിവയിലൂടെയാണ് വില്‍പ്പന. ജൂലൈ പതിനേഴ് മുതല്‍ മോഡല്‍ സ്വന്തമാക്കാം.
മൊബൈല്‍ വേള്‍ഡ് കോണ്‍ഗ്രസിലാണ് നോക്കിയ ഈ മോഡല്‍ ആദ്യം അവതരിപ്പിച്ചത്. മൂന്ന് മോണോക്രോമും(12 മെഗാപിക്സല്‍) രണ്ട് ആര്‍.ജി.ബി ലെന്‍സുകളുമാണ്(12 മെഗാപിക്സല്‍) ക്യാമറയില്‍ ഉപയോഗിച്ചിരിക്കുന്നത്. എല്ലാ ക്യാമറയുടെയും അപേര്‍ച്ചര്‍ f/1.82 ആണ്. 20 മെഗാപിക്‌സലിന്റേതാണ് സെല്‍ഫി ക്യാമറ. ക്യാമറ ഓണാക്കുമ്പോള്‍ അഞ്ച് ക്യാമറയും വര്‍ക്ക് ചെയ്ത് ഒരൊറ്റ ചിത്രമാവും ലഭിക്കുക.
വിവിധ തരം ലെന്‍സുകള്‍ വികസിപ്പിക്കുന്ന അമേരിക്കയിലെ ലൈറ്റ് എന്ന കമ്പനിയുമായി ചേര്‍ന്നാണ് നോക്കിയ പ്യൂര്‍ 9ന്റെ ക്യാമറ നിര്‍മ്മാണം.