പതിനേഴുകാരിയെ പീഡിപ്പിച്ച അസം സ്വദേശി അറസ്റ്റിൽ

തൊടുപുഴ: പ്രായപൂർത്തിയാകാത്ത പെൺകുട്ടിയെ ജോലി വാഗ്ദാനം ചെയത് ലൈംഗികമായി പീഡിപ്പിച്ച അസം സ്വദേശി അറസ്റ്റിൽ. അസം റുപ്പുകി പോലീസ് സ്റ്റേഷൻ പരിധിയിലെ ഷെഫീക്കുൾ ഇസ്ലാം(27) ആണ് തൊടുപുഴ പോലീസിന്റെ പിടിയിലായത്.സ്വന്തം നാട്ടുകാരിയായ പതിനേഴുകാരിയെ ജോലി വാഗ്ദാനം ചെയ്താണ് കേരളത്തിലെത്തിച്ചത്. ഒളമറ്റത്ത് വാടക വീടെടുത്ത ശേഷം ഇവിടെ താമസിപ്പിച്ച് രണ്ട് ദിവസമായി ഇയാൾ ലൈംഗികമായി പീഡിപ്പിക്കുകയായിരുന്നുവെന്ന് പോലീസ് പറഞ്ഞു.ഷെഫീക്കുൾ വിവാഹിതനാണ്. പ്രതിയുടെ പേരിൽ പോക്‌സോയും ബലാത്സംഗ കുറ്റവും ചുമത്തി. പ്രതിയെ റിമാൻഡ് ചെയ്തു.