യാത്രക്കാരുടെ ശ്രദ്ധക്ക് ; തൃശൂരിനും മുളങ്കുന്നത്തുകാവിനുമിടക്ക് ട്രാക്കില് അറ്റകുറ്റപ്പണി നടക്കുന്നതിനാല് ട്രെയിനുകള്ക്ക് നിയന്ത്രണം
തൃശൂര്: തൃശൂരിനും മുളങ്കുന്നത്തുകാവിനുമിടക്ക് ട്രാക്കില് അറ്റകുറ്റപ്പണി നടക്കുന്നതിനാല് വെള്ളിയാഴ്ച മുതല് ഈമാസം 16 വരെ ട്രെയിനുകള്ക്ക് ആഴ്ചയില് അഞ്ച് ദിവസം നിയന്ത്രണം ഏര്പ്പെടുത്തും. ചൊവ്വ, ബുധന് ദിവസങ്ങളില്…
തൃശൂര്: തൃശൂരിനും മുളങ്കുന്നത്തുകാവിനുമിടക്ക് ട്രാക്കില് അറ്റകുറ്റപ്പണി നടക്കുന്നതിനാല് വെള്ളിയാഴ്ച മുതല് ഈമാസം 16 വരെ ട്രെയിനുകള്ക്ക് ആഴ്ചയില് അഞ്ച് ദിവസം നിയന്ത്രണം ഏര്പ്പെടുത്തും. ചൊവ്വ, ബുധന് ദിവസങ്ങളില് ഒഴികെയാണ് നിയന്ത്രണം. കോയമ്പത്തൂർ -തൃശൂര് പാസഞ്ചര് വെള്ളിയാഴ്ച മുതല് നാല് വരെയും ഏഴ് മുതല് 11 വരെയും 14, 15 തീയതികളിലും ഷൊര്ണൂരിനും തൃശൂരിനുമിടയില് റദ്ദാക്കുമെന്ന് റെയില്വേ അറിയിച്ചു.
തൃശൂര്-കണ്ണൂര് പാസഞ്ചര് രണ്ട് മുതല് അഞ്ച് വരെയും എട്ട് മുതല് 12 വരെയും 15, 16 തീയതികളിലും തൃശൂരിനും ഷൊര്ണൂരിനുമിടക്ക് റദ്ദാക്കും. കണ്ണൂര്-എറണാകുളം ഇന്റര്സിറ്റി എക്സ്പ്രസ് ഒന്ന് മുതല് നാല് വരെയും ഏഴ് മുതല് 11 വരെയും 14, 15 തീയതികളിലും മുളങ്കുന്നത്തുകാവ് വരെ മാത്രമേ സര്വിസ് നടത്തുകയുള്ളൂ. രാത്രി പുറപ്പെടുന്ന ഗുരുവായൂര്-ചെന്നൈ എഗ്മോര് എക്സ്പ്രസ് ഒന്ന് മുതല് നാല് വരെയും ഏഴ് മുതല് 11 വരെയും 14, 15 തീയതികളിലും 10.35ന് പകരം 10.50നാണ് പുറപ്പെടുക.
ഓഖ-എറണാകുളം എക്സ്പ്രസ് മൂന്നിനും 10നും ഗംഗാനഗര്-കൊച്ചുവേളി എക്സ്പ്രസ് ഏഴിനും 14നും ഗാന്ധിധാം-നാഗര്കോവില് എക്സ്പ്രസ് രണ്ടിനും ഒമ്ബതിനും വരാവല്-തിരുവനന്തപുരം എക്സ്പ്രസ് ഒന്നിനും എട്ടിനും മുളങ്കുന്നത്തുകാവിലോ വടക്കാഞ്ചേരിയിലോ ഒന്നര മണിക്കൂറോളം നിര്ത്തിയിടും.
ഹൈദരാബാദ്-കൊച്ചുവേളി സ്പെഷല് ഫെയര് ട്രെയിന് മൂന്നിനും പത്തിനും 35 മിനിറ്റും നിസാമുദ്ദീന്-തിരുവനന്തപുരം എക്സ്പ്രസ് ഇതേ ദിവസങ്ങളില് 80 മിനിറ്റും വടക്കാഞ്ചേരിയില് പിടിച്ചിടും. പട്ന-എറണാകുളം എക്സ്പ്രസ് ഏഴ്, 14 തീയതികളില് വടക്കാഞ്ചേരിയില് 80 മിനിറ്റ് നിര്ത്തിയിടും. ഇതേ ദിവസങ്ങളില് മംഗളൂരു-തിരുവനന്തപുരം എക്സ്പ്രസ്, മധുര-തിരുവനന്തപുരം അമൃത എക്സ്പ്രസ് എന്നിവ വള്ളത്തോള്നഗറില് മുക്കാല് മണിക്കൂര് പിടിച്ചിടുമെന്നും റെയില്വേ അറിയിച്ചു.