ഗവര്‍ണറും സര്‍ക്കാറും തമ്മില്‍ അഭിപ്രായ വ്യത്യാസമില്ലെന്ന് നിയമ മന്ത്രി എ.കെ ബാലന്‍
തിരുവനന്തപുരം: ഗവര്‍ണറും സര്‍ക്കാറും തമ്മില്‍ അഭിപ്രായ വ്യത്യാസമില്ലെന്ന് നിയമ മന്ത്രി എ.കെ ബാലന്‍. വ്യക്തിപരമായ പ്രശ്നങ്ങള്‍ ഒന്നുമില്ല. നിയമം വ്യഖ്യാനിക്കുന്നതുമായി ബന്ധപ്പെട്ട പ്രശ്നങ്ങള്‍ മാത്രമേ ഉള്ളൂവെന്നും അത്…
തിരുവനന്തപുരം: ഗവര്‍ണറും സര്‍ക്കാറും തമ്മില്‍ അഭിപ്രായ വ്യത്യാസമില്ലെന്ന് നിയമ മന്ത്രി എ.കെ ബാലന്‍. വ്യക്തിപരമായ പ്രശ്നങ്ങള്‍ ഒന്നുമില്ല. നിയമം വ്യഖ്യാനിക്കുന്നതുമായി ബന്ധപ്പെട്ട പ്രശ്നങ്ങള്‍ മാത്രമേ ഉള്ളൂവെന്നും അത് സ്വഭാവികമാണെന്നും മന്ത്രി ബാലന്‍ വ്യക്തമാക്കി.
നിയമവിരുദ്ധമായി സംസ്ഥാന സര്‍ക്കാര്‍ ഒന്നും ചെയ്തിട്ടില്ല. ഭരണഘടനയില്‍ സംസ്ഥാന സര്‍ക്കാറിന് ലഭ്യമാകുന്ന 131ാം വകുപ്പ് പ്രകാരമാണ് ഹരജി നല്‍കിയത്. ചട്ടം ലംഘിച്ചിട്ടില്ലെന്നും അദ്ദേഹം പറഞ്ഞു. കേന്ദ്ര സര്‍ക്കാര്‍ കൊണ്ടുവന്ന രണ്ട് നിയമത്തിനെതിരെ കേരളാ നിയമസഭ പ്രമേയം പാസാക്കിയിട്ടുണ്ട്. ജി. സുധാകരനും കടകംപള്ളി സുരേന്ദ്രനും സഹകരണ മന്ത്രിയായിരുന്ന കാലത്ത് 131 പ്രകാരം പ്രമേയം പാസാക്കിയിട്ടുണ്ടെന്നും മന്ത്രി ബാലന്‍ ചൂണ്ടിക്കാട്ടി.