കോവിഡ് 19 ; മലപ്പുറത്ത് നാല് ഡോക്ടര്‍മാര്‍ നിരീക്ഷണത്തില്‍
മലപ്പുറം: ജില്ലയില്‍ കോവിഡ് 19 വൈറസ്ബാധ സ്ഥിരീകരിച്ച രണ്ടു പേരുടേയും ആരോഗ്യ നില തൃപ്തികരം. വാണിയമ്പത്ത് രോഗി സന്ദര്‍ശിച്ച സ്വകാര്യ ക്ലിനിക്കുകളും ലാബും അടച്ചിടാന്‍ നിര്‍ദേശിച്ചു. ഇവിടത്തെ…
By : Editor
Update: 2020-03-18 00:02 GMT
മലപ്പുറം: ജില്ലയില്‍ കോവിഡ് 19 വൈറസ്ബാധ സ്ഥിരീകരിച്ച രണ്ടു പേരുടേയും ആരോഗ്യ നില തൃപ്തികരം. വാണിയമ്പത്ത് രോഗി സന്ദര്‍ശിച്ച സ്വകാര്യ ക്ലിനിക്കുകളും ലാബും അടച്ചിടാന്‍ നിര്‍ദേശിച്ചു. ഇവിടത്തെ ഡോക്ടര്‍മാരും നിരീക്ഷണത്തിലാണ്. ഇത് കൂടാതെ ഇവരെ പരിശോധിച്ച വണ്ടൂര്‍ താലൂക്ക് ആശുപത്രിയിലെ രണ്ട് ഡോക്ടര്‍മാരോടും ജീവനക്കാരോടും വീട്ടില്‍ നിരീക്ഷണത്തില്‍ തുടരാന്‍ നിര്‍ദേശം നല്‍കി.
മഞ്ചേരി മെഡിക്കല്‍ കോളജ് ആശുപത്രിയില്‍ 12 പേരും തിരൂര്‍ ജില്ല ആശുപത്രിയില്‍ മൂന്നു പേരും തിരൂരങ്ങാടി താലൂക്ക് ആശുപത്രിയില്‍ രണ്ടുപേരും ഐസൊലേഷന്‍ വാര്‍ഡുകളിലുണ്ട്.