മത്സ്യവിൽപനക്കാരന് കോവിഡ്: തൃശ്ശൂരിൽ 80 പേർ നിരീക്ഷണത്തിൽ

തൃശ്ശൂർ: മത്സ്യവിൽപനക്കാരന് കോവിഡ് സ്ഥിരീകരിച്ചതിനെ തുടർന്ന് തൃശ്ശൂരിൽ 80 പേരെ നിരീക്ഷണത്തിലാക്കി. പട്ടാമ്പി മത്സ്യമാർക്കറ്റിൽ നിന്നും മത്സ്യം വാങ്ങി ചില്ലറ വിൽപന നടത്തിയിരുന്ന കടവല്ലൂർ പഞ്ചായത്തിലെ 12-ാം വാർഡിലെ മത്സ്യവിൽപനക്കാരനാണ് കോവിഡ് സ്ഥിരീകരിച്ചത്.ഇയാളുമായി സമ്പർക്കത്തിൽ വന്ന 30 മത്സ്യവിൽപനക്കാരടക്കം 80 പേരെയാണ് നിരീക്ഷണത്തിലാക്കിയത്. രോഗിയുമായി പ്രാഥമിക സമ്പർക്കത്തിൽ വന്നവരെയാണ് ഇപ്പോൾ നിരീക്ഷണത്തിലാക്കിയതെന്ന് അധികൃതർ അറിയിച്ചു.