വരും വർഷങ്ങളിൽ ഏഷ്യൻ സാഹിത്യത്തിനുള്ള വെല്ലുവിളികളും അവസരങ്ങളും" എന്നവിഷയത്തിൽ ആദ്യ വാർഷിക പ്രഭാഷണം

ജേണൽ ഓഫ് ഏഷ്യൻ ആർട്ട്, കൾച്ചർ ആൻഡ് ലിറ്ററേച്ചർ (ജെ‌എ‌എ‌സി‌എൽ), ഏഷ്യൻ ലിറ്റററി സൊസൈറ്റി എന്നിവയുടെ ആഭിമുഖ്യത്തിൽ,"വരും വർഷങ്ങളിൽ ഏഷ്യൻ സാഹിത്യത്തിനുള്ള വെല്ലുവിളികളും അവസരങ്ങളും" എന്നവിഷയത്തിൽ ആദ്യ വാർഷിക പ്രഭാഷണം നടന്നു.

ജേണൽ ഓഫ് ഏഷ്യൻ ആർട്ട്, കൾച്ചർ ആൻഡ് ലിറ്ററേച്ചർ (ജെ‌എ‌എ‌സി‌എൽ), ഏഷ്യൻ ലിറ്റററി സൊസൈറ്റി എന്നിവയുടെ ആദ്യ വാർഷിക പ്രഭാഷണം 2020 ഡിസംബർ 12 ന് നടത്തി. പ്രശസ്ത എഴുത്തുകാരനും കവിയും, ഇന്ത്യൻ ലിറ്ററേച്ചർ (സാഹിത്യ അക്കാദമി) മുൻ എഡിറ്ററും ആയ ഡോ. ഏ. ജെ. തോമസ് ആതിഥേയത്വം വഹിച്ചു.ഏറെ പ്രതീക്ഷയോടെ കാത്തിരുന്ന ഈ വാർഷിക പരിപാടിയിൽ ശ്രീ. മനോജ് കൃഷ്ണൻ (ജെ‌എ‌എ‌സി‌എൽ എഡിറ്റർ-ഇൻ-ചീഫ്, ഏഷ്യ ലിറ്റററി സൊസൈറ്റി സ്ഥാപകൻ) അദ്ധ്യക്ഷത വഹിച്ചു. തന്റെ പ്രാരംഭ പ്രഭാഷണത്തിൽ ലോകമെമ്പാടുമുള്ള ഏഷ്യൻ കല, സംസ്കാരം, സാഹിത്യം എന്നിവ പ്രോത്സാഹിപ്പിക്കുകയെന്ന ALS, JAACL ന്റെ ദൗത്യത്തെക്കുറിച്ച് അദ്ദേഹം വിശദീകരിച്ചു.

"വരാനിരിക്കുന്ന വർഷങ്ങളിൽ ഏഷ്യൻ സാഹിത്യത്തിനുള്ള വെല്ലുവിളികളും അവസരങ്ങളും" എന്ന വിഷയത്തിൽ സംസാരിച്ച ഡോ. എ ജെ തോമസ് ദേശീയ സാഹിത്യ ജേണലായ ഇന്ത്യൻ സാഹിത്യ സാഹിത്യ അക്കാദമിയുടെ എഡിറ്റിംഗ് അനുഭവങ്ങൾ പങ്കുവെച്ചു. ഇത്
ഇരുപത്തിനാല് ദേശീയ ഭാഷകളിലുള്ള തന്റെ സാഹിത്യ മാനസിക ഭൂപടം വികസിപ്പിക്കാൻ ഏറെ സഹായിച്ചു എന്ന് അദ്ദേഹം പറയുകയുണ്ടായി.സാർക്ക് ലിറ്ററേച്ചർ അസോസിയേഷന്റെ (ഫോക്സ്വാൾ) കോർ കമ്മിറ്റി അംഗവും,ദക്ഷിണ കൊറിയ സാംസ്കാരിക വകുപ്പിന്റെ ഓണററി ഫെലോയുമായ ഡോ. എ. ജെ. തോമസ് ആഗോള തലത്തിൽ ഏഷ്യൻ സാഹിത്യം നേരിടുന്ന വെല്ലുവിളികളെക്കുറിച്ച് വിശദമായിത്തന്നെ ചർച്ച നടത്തി.

സാഹിത്യ അക്കാദമി സംഘടിപ്പിച്ച അന്താരാഷ്ട്ര, ദേശീയ സെമിനാറുകളെക്കുറിച്ചും കഴിഞ്ഞ കാൽനൂറ്റാണ്ടായി പ്രവർത്തിച്ചു വരുന്ന മറ്റ് പ്രസ്ഥാനങ്ങളെ ളെക്കുറിച്ചും (ഇന്റർനാഷണൽ റൈറ്റിംഗ് പ്രോഗ്രാം, വാഷിംഗ്ടൺ ഡിസിയിൽ നടന്ന അമേരിക്കൻ റൈറ്റേഴ്‌സ് ഫെഡറേഷന്റെ വാർഷിക സമ്മേളനം) അദ്ദേഹം സംസാരിച്ചു.യു‌എസ്‌എയിലെയും യൂറോപ്പിലെയും പ്രവാസി സമൂഹങ്ങളിലെ എഴുത്തുകാർ, ബുദ്ധിജീവികൾ, പ്രൊഫഷണലുകൾ എന്നിവരുമായുള്ള കൂടിക്കാഴ്ചയുടെ അനുഭവങ്ങൾ അദ്ദേഹം പങ്കുവെച്ചു.ഇത് ഏഷ്യൻ സാഹിത്യം പാശ്ചാത്യ നാടുകളിൽ എത്രമാത്രം സ്വാധീനം ചെലുത്തു ന്നുണ്ടെന്നു മനസ്സിലാക്കാൻ അദ്ദേഹത്തെ സഹായിച്ചു.

വാർഷിക പ്രഭാഷണം നടത്തിയ ഡോ.ഏ.ജെ. തോമസിന് ശ്രീ.മനോജ് കൃഷ്ണൻ ഹൃദയംഗമമായ നന്ദി പറയുകയും ഇതിൽ പങ്കെടുത്ത മാന്യ പ്രേക്ഷകർക്ക് അവരുടെ വിലമതിക്കാനാവാത്ത പിന്തുണക്ക് കൃതജ്ഞ അറിയിക്കുകയും ചെയ്തു.കൊറോണക്കാലത്ത് നടത്തപ്പെട്ട ഈആദ്യ വാർഷിക പ്രഭാഷണത്തിന് ലോകമെമ്പാടുമുള്ള പ്രേക്ഷകരിൽ നിന്ന് മികച്ച പ്രതികരണമാണ് ലഭിച്ചത്.