കല്യാണ്‍ ജൂവലേഴ്സിന്‍റെ പുതിയ ഷോറൂം ബംഗളുരു രാജാജി നഗറിലെ ഗ്ലോബല്‍ മാള്‍സില്‍ തുറന്നു
കൊച്ചി: ഇന്ത്യയിലെ ഏറ്റവും വിശ്വാസ്യതയാര്‍ജിച്ച ആഭരണ ബ്രാന്‍ഡുകളിലൊന്നായ കല്യാണ്‍ ജൂവലേഴ്സ് ബംഗളുരുവിലെ രാജാജി നഗറില്‍ ലുലു ഗ്രൂപ്പിന്‍റെ ഗ്ലോബല്‍ മാള്‍സില്‍ പുതിയ ഷോറൂം തുറന്നു. ബംഗളുരുവിലെ ഏഴാമത്തെ…
കൊച്ചി: ഇന്ത്യയിലെ ഏറ്റവും വിശ്വാസ്യതയാര്‍ജിച്ച ആഭരണ ബ്രാന്‍ഡുകളിലൊന്നായ കല്യാണ്‍ ജൂവലേഴ്സ് ബംഗളുരുവിലെ രാജാജി നഗറില്‍ ലുലു ഗ്രൂപ്പിന്‍റെ ഗ്ലോബല്‍ മാള്‍സില്‍ പുതിയ ഷോറൂം തുറന്നു. ബംഗളുരുവിലെ ഏഴാമത്തെ ഷോറൂം നിലവിലുള്ളതും പുതിയതുമായ ഉപയോക്താക്കള്‍ക്ക് മികച്ച സേവനം ലഭ്യമാക്കാന്‍ ഉപകരിക്കും.
ബംഗളുരുവില്‍ പുതിയ ഷോറൂം തുറന്നതില്‍ അതിയായ സന്തോഷമുണ്ടെന്ന് കല്യാണ്‍ ജൂവലേഴ്സ് ചെയര്‍മാനും മാനേജിംഗ് ഡയറക്ടറുമായ ടി.എസ്. കല്യാണരാമന്‍ പറഞ്ഞു. നഗരത്തില്‍ ഒരു ദശകത്തില്‍ അധികമായി സാന്നിദ്ധ്യമുള്ളതിനാല്‍ ആഭരണബ്രാന്‍ഡുകളില്‍ ഏറ്റവും പ്രിയപ്പെട്ടതായി വളര്‍ന്നുവരാന്‍ സാധിച്ചു. കഴിഞ്ഞ വര്‍ഷങ്ങളില്‍ കര്‍ണാടകയിലെ പ്രധാന വിപണികളില്‍ മികച്ച സാന്നിദ്ധ്യം അറിയിക്കുന്നതിന് കഴിഞ്ഞു. സംസ്ഥാനത്തെ വിപണിയോടുള്ള പ്രതിബദ്ധത ഉറപ്പിക്കുന്ന രീതിയില്‍ ആകെ പതിനാറ് ഷോറൂമുകളായി കല്യാണ്‍ ജൂവലേഴ്സിന് ഇപ്പോള്‍. ഈ മേഖലയിലെ നിക്ഷേപം സംസ്ഥാനവുമായി ശക്തമായ സാന്നിദ്ധ്യം ഉറപ്പിക്കുന്നതിനും കല്യാണ്‍ ജൂവലേഴ്സിനെ കൂടുതല്‍ ഉപയോക്താക്കളിലേയ്ക്ക് എത്തിക്കുന്നതിനുമാണ്. ഏറ്റവും മികച്ച വാങ്ങല്‍ അനുഭവം ലഭ്യമാക്കുന്നതിനും സുരക്ഷയും ആരോഗ്യവും ഉറപ്പാക്കുന്നതിനും കല്യാണ്‍ ജൂവലേഴ്സ് പ്രതിബദ്ധമാണ്. ഉപയോക്താക്കളോടും സമൂഹത്തോടുമുള്ള ഈ പ്രതിബദ്ധതമൂലം ശുചിത്വം ഉറപ്പാക്കി വ്യക്തിഗതമായ ഷോപ്പിംഗ് അന്തരീക്ഷമാണ് ഒരുക്കിയിരിക്കുന്നതെന്ന് അദ്ദേഹം പറഞ്ഞു.
പുതിയ ഷോറൂം ആരംഭിക്കുന്നതിന്‍റെ ഭാഗമായി ഉപയോക്താക്കള്‍ ആഭരണങ്ങള്‍ വാങ്ങുമ്പോള്‍ പരമാവധി മൂല്യം ഉറപ്പാക്കുന്നതിനായി ഡയമണ്ട് ആഭരണങ്ങള്‍ക്ക് 25 ശതമാനം ഇളവും അണ്‍കട്ട്, പ്രഷ്യസ് സ്റ്റോണ്‍ ആഭരണങ്ങള്‍ക്ക് 20 ശതമാനം ഇളവും ലഭ്യമാക്കും. കൂടാതെ കല്യാണ്‍ ജൂവലേഴ്സ് സ്വര്‍ണാഭരണങ്ങള്‍ക്ക് പണിക്കൂലിയില്‍ വലിയ ഇളവുകളും പ്രഖ്യാപിച്ചിട്ടുണ്ട്. സ്വര്‍ണ നിരക്കില്‍ 'ബിഗ് ബചത് ഓഫര്‍' അനുസരിച്ച് ഉപയോക്താക്കള്‍ക്ക് നിലവിലുള്ള സ്വര്‍ണവിലയില്‍ ഗ്രാം ഒന്നിന് 225 രൂപ ഇളവ് ലഭിക്കും. രണ്ടരലക്ഷം രൂപയുടെ ആഭരണങ്ങള്‍ വാങ്ങുമ്പോള്‍ തെരഞ്ഞെടുത്ത പ്ലെയിന്‍ സ്വര്‍ണാഭരണങ്ങളുടെ പണിക്കൂലിയിലാണ് ഈ സവിശേഷമായ ഓഫര്‍ സ്വന്തമാക്കാവുന്നത്. ഡിസംബര്‍ 31 വരെ കര്‍ണാടകയിലെ എല്ലാ കല്യാണ്‍ ഷോറൂമുകളില്‍നിന്നും ഈ ഓഫര്‍ സ്വന്തമാക്കാം.
കല്യാണ്‍ ജൂവലേഴ്സിന്‍റെ വി കെയര്‍ കോവിഡ് -19 മാര്‍ഗനിര്‍ദ്ദേശങ്ങളുടെ ഭാഗമായി എല്ലാ ഷോറൂമുകളിലും ഉപയോക്താക്കളുടെയും ജീവനക്കാരുടെയും ആരോഗ്യവും സുരക്ഷയും സംരക്ഷിക്കുന്നതിനുവേണ്ടി കമ്പനി ഉയര്‍ന്ന തലത്തിലുള്ള സുരക്ഷാ, മുന്‍കരുതല്‍ നടപടികളാണ് സ്വീകരിച്ചിരിക്കുന്നത്. സുരക്ഷാ പ്രോട്ടോക്കോള്‍ മാര്‍ഗനിര്‍ദ്ദേശങ്ങള്‍ നിര്‍ബന്ധമായും പിന്തുടരുന്നുവെന്ന് ഉറപ്പാക്കുന്നതിനായി സേഫ്റ്റി മെഷര്‍ ഓഫീസര്‍മാരെ നിയമിച്ചിട്ടുണ്ട്.
കല്യാണ്‍ ജൂവലേഴ്സ് ഉപയോക്താക്കള്‍ക്ക് ഇന്ത്യയിലെ വിവിധ പ്രദേശങ്ങളില്‍നിന്ന് സമാഹരിച്ച വിവാഹാഭരണങ്ങളുടെ സവിശേഷ നിരയായ മുഹൂര്‍ത്ത്, കല്യാണിന്‍റെ ജനപ്രിയ ഹൗസ് ബ്രാന്‍ഡുകളായ പോള്‍ക്കി ആഭരണങ്ങളടങ്ങിയ തേജസ്വി, കരവിരുതാല്‍ തീര്‍ത്ത ആന്‍റിക് ആഭരണങ്ങളായ മുദ്ര, ടെംപിള്‍ ആഭരണങ്ങളായ നിമാഹ്, നൃത്തം ചെയ്യുന്ന ഡയമണ്ടുകള്‍ അടങ്ങിയ ഗ്ലോ എന്നിവയും അവതരിപ്പിക്കുന്നു. ഷോറൂമിലെ മറ്റു വിഭാഗങ്ങളിലായി സോളിറ്റയര്‍ ഡയമണ്ട് ആഭരണങ്ങലായ സിയാ, അണ്‍കട്ട് ഡയമണ്ടുകളായ അനോകി, പ്രത്യേകാവസരങ്ങള്‍ക്കായുള്ള ഡയമണ്ടുകളായ അപൂര്‍വ, വിവാഹ ഡയമണ്ടുകളായ അന്തര, നിത്യവും അണിയാനുള്ള ഡയമണ്ടുകളായ ഹീര, പ്രഷ്യസ് സ്റ്റോണ്‍ ആഭരണങ്ങളായ രംഗ് എന്നിവയുമുണ്ട്.
ഒരു ലക്ഷത്തില്‍ അധികം വരുന്ന നവീനവും പരമ്പരാഗതവുമായ രൂപകല്‍പ്പനകളില്‍നിന്നാണ് കല്യാണ്‍ ജൂവലേഴ്സ് നിത്യവും അണിയുന്നതിനും വിവാഹത്തിന് വധുക്കള്‍ക്കായും ഉത്സവാവസരങ്ങള്‍ക്കായുമുള്ള ആഭരണങ്ങള്‍ അവതരിപ്പിക്കുന്നത്.