വലിയ വേതനം നഷ്ടമാക്കാൻ ഉദ്ദേശമില്ല, ഇക്കാർഡി പി എസ് ജി വിടാൻ തയ്യാറല്ല

ഇക്കാർഡിക്കായി പല യൂറോപ്യൻ ക്ലബുകളും രംഗത്ത് ഉണ്ടെങ്കിലും താരം പി എസ് ജി വിടാൻ ഒരുക്കമല്ല. പി എസ് ജിയിൽ തനിക്ക് ലഭിക്കുന്ന വലിയ വേതനം വേറെ എവിടെയും ലഭിക്കില്ല എന്നതു കൊണ്ടാണ് ഇക്കാർഡി ക്ലബ് വിടാൻ തയ്യാറാകാത്തത്. പി എസ് ജിയിലെ കരാർ അവസാനിക്കുന്നത് വരെ പാരീസിൽ തന്നെ തുടരാൻ ആണ് താരം ഇപ്പോൾ തീരുമാനിച്ചിരിക്കുന്നത്.

ഇനിയും രണ്ട് വർഷത്തെ കരാർ പി എസ് ജിയിൽ ഇക്കാർഡിക്ക് ബാക്കി ഉണ്ട്. 29കാരനായ താരം കരിയറിൽ 200ൽ അധികം ഗോളുകൾ അടിച്ചിട്ടുണ്ട്. ഇന്റർ മിലാനിൽ കത്തി നിൽക്കുന്ന സമയത്ത് മാനേജ്മെന്റുമായി ഉടക്കിയതോടെയാണ് ഇക്കാർഡി ഒരു ഫുട്ബോൾ താരം എന്ന നിലയിൽ പിറകോട്ട് പോയത്‌. അന്ന് മുതൽ ഇതുവരെ ഇക്കാർഡിക്ക് പഴയ പോലെ ഫുട്ബോൾ കളത്തിൽ തിളങ്ങാൻ ആയിട്ടില്ല.