കു​രു​ക്ക​ഴി​യുന്നു ; മാ​ഹി ബൈ​പാ​സ്-കാരോത്ത് റെയിൽവേ മേൽപാലം പൂർത്തിയായി

വ​ട​ക​ര: മാ​ഹി ബൈ​പാ​സ് നി​ർ​മാ​ണ​ത്തി​ന്റെ ഭാ​ഗ​മാ​യി ബാ​ക്കി​യാ​യ കാ​രോ​ത്ത് റെ​യി​ൽ​വേ മേ​ൽ​പാ​ലം പ്ര​വൃ​ത്തി പൂ​ർ​ത്തി​യാ​യി. ഗ​ർ​ഡ​റു​ക​ൾ പൂ​ർ​ണ​മാ​യും സ്ഥാ​പി​ച്ച് മേ​ൽ​പാ​ല​ത്തി​ൽ ടാ​റി​ങ് ക​ഴി​ഞ്ഞു. റെ​യി​ൽ​വേ ലൈ​നി​നു മു​ക​ളി​ൽ മേ​ൽ​പാ​ല​ത്തി​ന്റെ സൈ​ഡ് കോ​ൺ​ക്രീ​റ്റും പെ​യി​ന്റി​ങ്ങു​മാ​ണ് ബാ​ക്കി​യു​ള്ള​ത്. ലോ​ക്സ​ഭ തെ​ര​ഞ്ഞെ​ടു​പ്പി​നു മു​മ്പ് പാ​ത ഉ​ദ്ഘാ​ട​നം ചെ​യ്യാ​നു​ള്ള ഒ​രു​ക്കം തു​ട​ങ്ങി​യി​ട്ടു​ണ്ട്.

ബൈ​പാ​സ് നി​ർ​മാ​ണ​ത്തോ​ട​നു​ബ​ന്ധി​ച്ച് കാ​രോ​ത്ത് റെ​യി​ൽ​വേ മേ​ൽ​പാ​ല​ത്തി​ന്റെ പ്ര​വൃ​ത്തി മാ​ത്ര​മാ​ണ് ബാ​ക്കി​യു​ണ്ടാ​യി​രു​ന്ന​ത്. തെ​ര​ഞ്ഞെ​ടു​പ്പി​നു​മു​മ്പ് ബൈ​പാ​സി​ന്റെ ഉ​ദ്ഘാ​ട​നം ന​ട​ത്താ​ൻ ക​ഴി​ഞ്ഞി​ട്ടി​ല്ലെ​ങ്കി​ൽ തു​റ​ന്നു​കൊ​ടു​ക്കാ​ൻ സാ​ധ്യ​ത​യു​ണ്ട്. നീ​ലേ​ശ്വ​ര​ത്ത് നേ​ര​ത്തേ ഉ​ദ്ഘാ​ട​ന​ത്തി​നു​മു​മ്പ് ദേ​ശീ​യ​പാ​ത തു​റ​ന്നു​കൊ​ടു​ത്തി​രു​ന്നു.

ദേ​ശീ​യ​പാ​ത അ​തോ​റി​റ്റി​യാ​ണ് ഉ​ദ്ഘാ​ട​നം സം​ബ​ന്ധി​ച്ച് തീ​രു​മാ​ന​മെ​ടു​ക്കേ​ണ്ട​ത്. കാ​രോ​ത്ത് റെ​യി​ൽ​വേ മേ​ൽ​പാ​ല​ത്തി​ന് നാ​ലു പ​തി​റ്റാ​ണ്ടു മു​മ്പ് റെ​യി​ൽ​വേ ഭൂ​മി ഏ​റ്റെ​ടു​ക്ക​ൽ പൂ​ർ​ത്തി​യാ​ക്കി​യി​രു​ന്നു. നാ​ലു വ​ർ​ഷം മു​മ്പാ​ണ് ബൈ​പാ​സ് നി​ർ​മാ​ണ​ത്തോ​ട​നു​ബ​ന്ധി​ച്ച് പാ​ല​ത്തി​ന്റ അ​നു​ബ​ന്ധ പ്ര​വൃ​ത്തി​ക​ൾ​ക്ക് തു​ട​ക്ക​മാ​യ​ത്. എ​ന്നാ​ൽ, റെ​യി​ൽ​വേ​യു​ടെ അ​ധീ​ന​ത​യി​ലു​ള്ള ഭാ​ഗം പൂ​ർ​ത്തീ​ക​രി​ക്കു​ന്ന​ത് അ​ന​ന്ത​മാ​യി നീ​ളു​ക​യാ​യി​രു​ന്നു. അ​ഴി​യൂ​ർ മേ​ൽ​പാ​ല​ത്തി​ന്റെ​ത​ട​ക്കം പ്ര​ധാ​ന പാ​ത​യു​ടെ നി​ർ​മാ​ണം നേ​ര​ത്തേ പൂ​ർ​ത്തി​യാ​യി​രു​ന്നു.

മാ​ഹി ടൗ​ണി​നെ ഒ​ഴി​വാ​ക്കി​ക്കൊ​ണ്ടു​ള്ള ബൈ​പാ​സ് തു​റ​ക്കു​ന്ന​തോ​ടെ കോ​ഴി​ക്കോ​ട്, ക​ണ്ണൂ​ർ ജി​ല്ല​ക​ളി​ലേ​ക്കു​ള്ള ഗ​താ​ഗ​തം സു​ഗ​മ​മാ​വും. നി​ല​വി​ൽ സം​സ്ഥാ​ന​ത്തേ​ക്ക് വ​രു​ന്ന ദീ​ർ​ഘ​ദൂ​ര വാ​ഹ​ന​ങ്ങ​ൾ മാ​ഹി​യി​ലെ ഇ​ടു​ങ്ങി​യ റോ​ഡു​ക​ളി​ൽ കു​രു​ങ്ങു​ന്ന​ത് പ​തി​വാ​ണ്. റോ​ഡ് യാ​ഥാ​ർ​ഥ്യ​മാ​വു​ന്ന​തോ​ടെ കു​രു​ക്ക​ഴി​യും. ക​ണ്ണൂ​ർ ജി​ല്ല​യി​ലെ മു​ഴ​പ്പി​ല​ങ്ങാ​ട് മു​ത​ൽ കോ​ഴി​ക്കോ​ട് ജി​ല്ല അ​തി​ർ​ത്തി​യാ​യ അ​ഴി​യൂ​ർ വ​രെ 18.6 കി​ലോ​മീ​റ്റ​ർ ദൂ​ര​ത്തി​ലാ​ണ് ബൈ​പാ​സ് നി​ർ​മി​ച്ച​ത്.