കൊടകര കുഴല്‍പ്പണക്കേസില്‍ ഇന്ന് സ​തീ​ഷി​ന്‍റെ മൊ​ഴി എടുക്കും; ബിജെപിയെ വെട്ടിലാക്കി പുനരന്വേഷണം

തൃ​ശൂ​ർ: കൊ​ട​ക​ര കു​ഴ​ൽ​പ്പ​ണക്കേസ് വീണ്ടും രാഷ്ട്രീയ വിവാദമായി മാറുകയും പുനരന്വേഷണം നടത്താന്‍ സര്‍ക്കാര്‍ തീരുമാനിക്കുകയും ചെയ്തിരിക്കെ ആരോപണം കത്തിച്ച ബി​ജെ​പി തൃശൂര്‍ മു​ന്‍ ഓ​ഫീ​സ് സെ​ക്ര​ട്ട​റി സ​തീ​ഷി​ന്‍റെ മൊ​ഴി ഇന്ന് പോലീസ് രേഖപ്പെടുത്തും. ഇ​രി​ങ്ങാ​ല​ക്കു​ട ഡി​വൈ​എ​സ്പി രാ​ജു​വാ​ണ് മൊ​ഴി രേ​ഖ​പ്പെ​ടു​ത്തു​ന്ന​ത്.

മൊ​ഴി പ​രി​ശോ​ധി​ച്ച ശേ​ഷം കോ​ട​തി​യി​ല്‍ റി​പ്പോ​ര്‍​ട്ട് സ​മ​ര്‍​പ്പി​ക്കും. കേസിലെ പുനരന്വേഷണത്തിന്റെ ഭാഗമായുള്ള നടപടികളാണ് പോലീസ് കൈക്കൊള്ളുന്നത്. ക്ര​മ​സ​മാ​ധാ​ന ചു​മ​ത​ല​യു​ള​ള എ​ഡി​ജി​പി മ​നോ​ജ് എ​ബ്ര​ഹാ​മി​നാ​ണ് മേ​ല്‍​നോ​ട്ട ചു​മ​ത​ല. കേ​സി​ൽ തു​ട​ര​ന്വേ​ഷ​ണം വേ​ണ​മെ​ന്ന് കേ​സി​ലെ ആ​ദ്യ കു​റ്റ​പ​ത്ര​ത്തി​ൽ തന്നെ പോ​ലീ​സ് ആ​വ​ശ്യ​പ്പെ​ട്ടി​ട്ടു​ണ്ട്.

കേസില്‍ പുനരന്വേഷണം വേണമെന്ന് ഇന്നലെ സിപിഎം സംസ്ഥാന സെക്രട്ടേറിയറ്റ് യോഗം ആവശ്യപ്പെട്ടിരുന്നു. ഇതിന് പിന്നാലെയാണ് സര്‍ക്കാര്‍ പുനരന്വേഷണത്തിന് നീക്കം തുടങ്ങിയത്. മുഖ്യമന്ത്രിയും ഡിജിപിയും ഇന്നലെ കൂടിക്കാഴ്ച നടത്തിയിരുന്നു. കേസിലെ നിയമവശം ആലോചിച്ച് കോടതിയെ സമീപിക്കാനാണ് മുഖ്യമന്ത്രി നിര്‍ദേശം നല്‍കിയത്.